AMED - Cinîyê esnaf yê qezaya Rêzanê Amedî vatî ke semedê krîzê ekonomî karê înan baş nêşîno û ardî ziwan ke sebebê krîzê ekonomî şer o. Cinîyan dîyar kerd ke eke şer biqedîyo do krîzê ekonomî zî çareser bibo.

 

Dimayê hewldayîşê derbeyê 15ê Temmuza 2016an îqtîdarê AKPî hewldayîş xo rê kerdî sebeb û Halo Îstîsnayî (OHAL) îlan kerdî. Nê polîtîkayê şer û  OHALî bandure xo ser ekonomî zî kerd. Cinîyê esnaf ê qezaya Rêzanê Amedî ke reaksîyon hemverê krîzê ekonomî ke yeno cuyayîş dayî û dîyar kerdî ke seba ke karê înan derbaz nêbeno, ameyê verê îflasî û vatî ke sebebê ci zî şerê ke bi serran o derbaz keno yo.

 

Xebatkara bi nameyê Nuran Gunera ke 20 serrî ya û aşmî yo karê rotişê xeml û xişikî kena ard ziwan ke serra verê rewşa ekonomî hîna baş bîya û her ke şino hîna xirab bena û wina va: "Serra vîyarte de karê ma hîna baş bi. Labelê dimayê OHALî krîzê ekonomî zêde bi. Dimayê OHALî vatî ke ekonomî pîl bena. La zur a. Her ke şino ma warê rotişî de probleman cuyenê û seba ke rewşa ekonomî pêroyî de baş nîya, na zî bandure ma ser de kena û ma nêeşkenê rotiş bikerê. Heto bîn ra akerdişê AVMyê mîyanê bajar zî  jî bandure negatîf serê ma esnafê qijan de keno û her ke şino ma qij benê û ma ameyê merheleya ke dikanê xo padê. No problem heme îqtîdaro ke esto şer gur keno qewimyênê. Gerek bi lezgînî nê problemî çareserî bêro vînayîş. Nika her ke şino hal hîna xirab beno."

 

'Seba krîzê verê mi dest perwerdeyê xo ra vera da'

 

Xebatkara bi nameyê Betul Demîrela ke 15 serrî ya hîrê aşmî yo dikanê terzî de xebityena, va ke seba krîzê ekonomî dest perwerdeyê xo ra vera day û seba krîzê ekonomî waşta ke hetkarîya keyeyê xo bikero û wina va: "Eke ewro krîzê ekonomî nêbayne min zî sey embazanê xo perwerdeyê xo biqedênayne. Krîzê ekonomî bandure ser kesê feqîran kena û ser kesê dewlemendan nêkena. Verê nika kesêke feqîr seba feqîrî verê Nêweşxaneyê Meclisî û 50 metre dûrê meclisî de bedenê xo dabi verê adir û vatibi ke, o warê  ekonomî de nêeşkeno debara xo bikero. Çira kesê dewlemend bedenê xo nêdanê adir ver? Yena na mana ke krîzê ekonomî tena bandure ser feqîran kena û serê kesê dewlemendan de nêkena."