Duygu Erol

 

ANTALYA - D.Eye  ya ke waşt fek mêrdeyê xo ra vera bida, rastê şîddetê camêrdî amey û hedîse ra dima muracatê dozgerî kerde. Dozgerî cewabê 'Çîyoke bêro kerdiş çin o, hûmara ey asteng bike' da D.Eye rê.

 

Qezaya Kepez ya Antalya de cinîya bi nameyê D.Eye seba ke têkilîyo xo bi camêrdo bi nameyê E.Oyî ra bibina, qisey kerde labelê E.Oyî qebûl nêkerd. E.Oyî cinîya bi nameyê D.Eye tehdîd kerd û tacîz kerd. D.Bye qala şîddet û tacîzê ke dîye kerde û dîyar kerde ke heme muracatê aye bêcewab mendî. D.Bye qiseykerdişê xo de seba piştîdayişî veng daye heme cinîyan.

 

D.Bye qiseykerdişê xo de arde ziwan ke E.Oyî 10 aşmî verê kewtbî hepisxane û badê ke vejîya îşkenceyo psîkolojîk aye ser de kerdo û wina va: "Mi waşt ke ez fek ci ra vera bida. Labelê E.Oyî mi û keyeyê mi tehdîd kerd û hewl da ke mi biveşno. Ez  mecbûr menda ke reyna aye reyde têkilî birona.”

'Hewl da ke mi biremno'

 

D.Bye dewamê qiseykerdişê xo de ard ziwan ke E.Oyî hewl da ke mi biremno û wina va: "E.Oyî şîddet bi mi kerd. Keyeyê ma yewbînan şinasnayêne. No semed ra mi gerreyê xo peyser ant. Reyna ma werê amey. Na rey zî verê mi de tîryakî xebitna û rot."

 

'Hepisxane ra tema polîsan çîyêk nêkerdî'

 

D.Eye ard ziwan ke şîddet û tehdîdan ver bajar teriknaye û wina dewam kerde: “Mi verê merdimanê mi de dî. Ez tehdîd kerda. Ez reyna ageyraya Antalya û mi muracatê dozgerî kerde. Di aşmî qerarê dûrvistişî dîya E.Oyî ro. Labelê tehdîdê ey dewam kerdî. Ez şîya qerekol. La na reye waya mi geyra. Tehdîd kerd û eynî roje hepisxane ra rema."

D.Eye dîyar kerde ke tewr peynî şîya dozgerî û dozgerî verê ke îfadeyê aye bigîro vato, ‘hûmara ey asteng bike û bivurne'  dayo D.Eye ro. D.Eye veng da heme cinîyan ke piştî bidîaye.