Camêrdo ê bi nameyê Duran Evkaya 12ê Çele 2016an heta nika seba dizdî kewtêne keyan û bi pêroyîde 4 cinî ê kayan de îstîmar kerd. Tewr peynî Beşîktaş de kewt keyeyêke û hêrişê zayendî hemverê cinîyêke kerd û no camêrd kamerayê awanî de ame teşîskerdiş. Bi piştdayîşê E.O Duran ame tepiştiş. Avûkata E.O Dîren Cevahîr Şen dîyar kerde ke camêrdo gumanbar heme sûcdarî qebûl kerdo.

 

Di serran hêrişan dewam kerd

 

Dîrene dîyar kerde ke di serrî hêrişê zayendî yê hemverê E.O de hîrê aşmî derbaz bîyo û hema zî endîşeyîna û wina va: "Duran 2 serrî wina geyrayo. Seba cinîyê ke rastê îstîsmarê ey amey no proses zahmet bi. Dimayê hêrişan cinîyan travma cuyayê.”

 

'Cuyayîş seba cinîyan bê asayîş o'

 

Dîrene dewam de da zanayîş ke rewşê wina zaf yenê cuyayîş û camêrdê ke seba dizdî konê keyan hêrişê zayendî bi ca anê û wina va: “No camêrd demêke kilm de nîno vînayîş. Seba cinîyan zî bi xof o. Şinê polîs, polîs vano ‘Ma ci geyrenê’. La kuçeyan seba cinîyan kerdê bê asayîş. Cinî bi rehetî nêeşkenê bigeyrê.”

 

'Heme camêrdî nê mesajan gênê'

 

Heto bîn ra Dîrene ard ziwan ke mekanîzmayê pawitiş û gerrekerdişî de zî baş bi ca nînê û qiseykerdişê wina qedêna: “Îdarekarê dewlete, hukmat hema hema her roje derheqê cinîyan de vatişan vanê û no zî mesaj danê camêrdan.”