Filiz Zeyrek 

 

MERSÎN - Cinîyê hepsî yê Hepisxaneyê Tîpa T yê Tersûsî bi rayîrê avûkatanê xo mesaj eşrawitî û ardî ziwan ke ê hetê gardîyanan ra bi îşkenceyê zayendî dir rî bi rî mendê. Eynî wextî de cinîyê hepsî dîyar kerdî ke, hepsîya nêweşe Sîsê Bîngole destê aye kelepçe kenê û aye benê nêweşxane. Hepisxane Tersûsî îhlalkerdişê heqan bi hawayêke zêde yenê cuyayîş.

 

Hepisxaneyê Tîpê T yê Tersûsî ke bi îhlalkerdişê heqan rojeve ra nêkono, muamela nêweş û îşkence dewam keno. Cinîyê hepsî bi raya pêroyî dir pare kerdî. Hepsîyê cinî ardî ziwan ke wexto banyo ya zî tuwalet de bê, gardîyanî erzenê serê înan. Wexto ke ê hemverê nê çî vejênê, bi hucre yenê cezakerdiş. Hetêk bîn ra zî Sîsê Bingola ke weşîya aye gelek xirabe ya, nêeşkena şêro tuwalet û hepsîyê bîn ewnîyenê înan ra. Sîsêya ke nêweşîya aye Mesanî esta, wexto ke aye nêweşxane destê aye kelepçe kenê.

 

Hepsîyan ard ziwan ke Sîsê hetê psîkolojî de zî probleman cuyena û ganî bêro tedawîkerdiş.

 

Bi vatişê nîjadperestî tahrîk kenê

 

Ame vatiş ke pitikêke 2 serrî ke bi maya xo dir hepisxane de ya/o semedo ke şap kenê mîyanê werdî, mahdeyê pitike/î gineno têmyan ro û virêcena/o. Heto bîn ra ame vatiş ke wextê hêrişê ser Efrînî dest pêkerdo heta nika gardîyanan vatişê  nîjadperest ke tahrîk kenê hemverê hepsîyan xebitnayî.

 

Hepsîyan waşt ke nê îhlalkerdişî heqan ke hepisxanan de yenê cuyayîş, lezgînî hetê ÎHDî ra bi raya pêroyî dir bêrê parekerdiş.