Gulîstan Azak

 

ÇEWLÎG - Nazîme Koşuna 14 serrî ke şina mekteba mîyanîn derheqê kiştişê cinîyan de kitabêke nuşte. Kitabê aye bi piştdayîşê mamosteyê aye yê mektebe ame weşanayîş û kitabê aye rastê eleqeyêke pîl ame. Heto bîn ra amadekarîya aye seba kitabê aye diyîn zî dest pêkerd.

 

Nazîme Koşuna 14 serrî ke dewa Goltepe ya Çewlîgî Mekteba Mîyanîn a dewa Yenî Yerleşîmî de ya wendekara sinifa 4ine ya, kitabê xo yê bi nameyê ‘Kar tanesî’ nuşte. Bi piştdayîşê mamosteyê rehberê dest bi wendişê kitaban kena û aşma hamnanî kitabê ke wanena bandure bena û dima ra dest bi nuştişê no kitabî kena. Nazîmeya 8 aşmî ewil karakter awan kerde, kitabê xo yê bi babeta ‘kiştişê cinîyan’ nuşte. Kitabê aye laşmêk verê ame weşanayîş.

 

Nazîme ke bi kitabê xo bale ante ser xo prosesê nuştişê kitabê xo wina va: "Heta ke mi mamosteya xo rehbere nas nêkerdêne, mi kitab nêwendêne. La xêrê mamosteya xo mi wend. No semed ra ma pêşnîyarê nuştişê kitabî kerd. Mi zî dest bi nuştişê kerd. Ez 8 aşmî serê karekteran de kûr bîya. Dimayê ke mi karekter temam kerd, mi dest bi nuştişî kerd. Babeta sereyîn ê kitabî, cinî, dej, vîyarte û kiştişê namûsî yo."

 

'Mi dest bi kitabê diyîn kerd' 

 

Nazîme ard ziwan ke do qerarê nuştişê kitabê xo yê diyîn kerd û va: "Yê ke yenê serdayîşî ma fikir û hîsê xo yê weş pare kerd. Mi zî serê no qerarî nuştişê kitabî da. Embazê mi ke wazenê binusnê, ganî xo nêdê kîşte û binusnê."