Fîlîz Zeyrek

 

EDENE - Endama PMyî ya Partîya Demokratîke ya Şaran (HDP) Asîye Kolçake reaksîyon nîşan daye hêrişanê vera Efrînî û wina va: “Xoverdayiş û îradeya şarê Efrînî çeteyanê wehşane û DAIŞî têk berdî. No şerî de eşkenê şaxê zeytune bişiknî, labelê nêeşkenê îradeya şarî bişiknî û kokê dare wuşk bikerî. ”

 

Vera hêriş û dagîrkerîya TSK û hêzê girêdayeyê ci de xoverdayîşê Hêzê Sûrîyeya Demokratîke (HSD) roja 12. de dewam keno. Vera hêrişê dewleta tirkî yê Efrînî de her ke şono reaksîyonî zêde benê. Babete ser o Endama PMyî ya Partîya Demokratîke ya Şaran (HDP) Asîye Kolçake qisey kerde û reaksîyon nîşan daye hêrişanê vera Efrînî û dîyar kerde ke Efrîn şerî ra ver stargehê mexduran bî.

 

Asîye qiseykerdişê xo de va ‘Şarê Efrînî bi xoverdayişê xo qezenc bikero’ û wina dewam kerde: “Goreyê raybazê huqûqî yê mîyanneteweyî pawitiş û hetkarîya şerî suc o. Tirkîya de prosesêko winasî yena cuyayiş û kesê ke aştîye wazenê sey sucdar yenê hesibnayiş. Efrînî ra vera sînorê Tirkîya de tehditêk daxî çin o. Efrînî ra kerrayêk daxî nêameyo eştiş. No şer vera kamî de yebo kerdiş? Dinya û Tirkîya baş zanê ke kurdê çar perçe tena azad û seyyewbînanî wazenê.”

 

'Fatureyê şer feqîran ra yeno birnayîş'

 

Asîye qiseykerdişê xo yê peyênan de bale ante pêkerdişê AKP û MHPyî ser û wina va: “AKP hêzê emperyalîst yê global, çepemenî, MHP û Dîyanetî girewto hetê xo û têkoşînê îqtîdarîyî dano meşnayiş. AKP seba ke weçînayişê ameyoxî de ser bikewo xover dano. Faturaya sîyasetî ya şerê AKPyî, kesê feqîran rê yena birînayiş. Derdê AKPyî netîceyê weçînayişî yo. Partîyê muxalefetî zî piştîdanê polîtîkayê hêrişkar yê AKPyî. Şarê kurd û dostê înan seba Efrînî Kurdistan û Ewropayî de çalakîyan de yî. Xoverdayiş û îradeya şarê Efrînî çeteyanê wehşane û DAIŞî têk berdî. Xoverdayiş û îradeya şarê Efrînî DAIŞê wehşane, têk berdî. No şerî de eşkenê şaxê zeytune bişiknî, labelê nêeşkenê îradeya şarî bişiknî û kokê dare wuşk bikerî.”