EFRÎN - Cinîyê dewa Xalnireyî ke werd şerwananê YPJ/YPGê û QSDî rê viraznenê ewnîyayîşê xo ardî ziwan û vatî: Bi heme hêz û îmkanê xo ma do kîşte şerwanan de bê heta serkewtişî."

 

Cinîyê dewa Xalnireyî yê Kantonê Efrînî ke şerwanan rê cephe de werd viraznenê, ewnîyayîşê xo ardî ziwan û vatî ke ê do heta peynî kîşte şerwanan de xo bê.

 

Mamosteya ziwanê kurdî Emîna Mustefa hêrişê dewleta tirkî şermezar kerde û wina va: "Ma werd Şerwanê YPJ/YPGî û QSDî rê viraznenê. Ma hêrişê dewleta Tirkî qebûl nêkenê ser herra xo de. Ma do herra xo bipawê û nêverdê ke derbazê Efrînî bibê. Çîyêke Erdoganî ser herre ma de çin o. Ê do vinî bikerê û serkewtiş do ê ma bo."

 

Mamosteya ziwanê kurdî Fatima Mustefa zî wina va: "Ma cinî heme kom bîyê ke werd şerwanan rê viraznê,  heta ke destê ma ra bêro bi heme îmkan û hêzê xo ma do hetkarî bidê şerwanan. Vatişê ma Erdoganî rê o yo ke qetî wa nêfikrîyo ke ma do fek herra xo ra vera bidê. Eke hêzê ma xurt sey YPJ/YPGî çinbibayne ende înan ma ra nêtersayne. Bi bawerîya ma ya bi şerwanê ma esta ke ma do serkewte bê."

 

Maya bi nameyê Nebîha Ebdu zî wina va: "Do Erdogan Efrîn de vinî bikero. Şarê Efrînî heta dilopêke gonî ganê înan de estbo, do xo ver bidê û bi îradayêke pîl ma do serkewte bê, do ti kes nêeşko derbazê herra ma bo. Bicuyê şerwanê YPJ/YPGî û QSDî."

 

Nazlî Necare zî selamê xo şerwanê xoverdayoxan rê eşrawit û wina va: "Ma werd embazê xo yê cepheyê şer de yê rê viraznenê. Wa her kes bizano ke ma do xo fedayê Efrînî bikerê. Wa Erdogan destesergirewtişê Efrînî xeyal nêko."