Rûken Goman

 

GIRKÊLEGÊ - Cinîyê Ereb ê qezaya Girkêlegê hêrişê dewleta ser mintiqaya Efrînî bi teda şermezar kerdî û dîyar kerdî ke projeyê sîstemê neteweyan binê sîwana xo de bipawê. No semed ra xoverdayîşê Efrînî bi ser bikoy.

 

Derheqê hêrişê dewleta tirkî yê ser Efrînî cinîyê  ereb ewnîyayîşê xo ardî ziwan û reaksîyon hemverê hêrişan dayî. Cinîyê Ereb yê qezaya Girkêlegê ya girêdayê Kantonê Qamişloyî mintiqaya Cizîre de hêrişê ser Efrînî şermezar kerdî û dîyar kerdî ke ê do Efrînî tena nêverdê û ê do têkoşînê xo dewam bikerê.

 

'Ma do sey cinîyê Ereb seba Efrînî sere wedarnê'

 

Cinîya Ereb a bi nameyê Mûna Alnasir hêrişê dewleta tirkî yê ser mintiqaya  Efrînî şermezar kerde û va: "Doman, cinî, ciwan û kal pîya yenê qetilkerdiş û dewletê navneteweyî hemverê nê bêveng ê. Ça de yo edalet û demokrasîyê înan ça de mend? Dewleta tirkî têduştî û yewîya netewan ke ewro Rojawanî de mîsoger benê qebul nêkana. La her ke ê hêrişa ma bikerê, do îradeyê ma hîna xurt bo. Ma do sey cinîyê Ereb  fek têkoşînê xo ra vvera nêdê û piştdayîş bidê Efrîn."

 

'Do Efrîn de yewbîyayîşê şaran ser biko'

 

Heto bîn ra Meryem Ibrahîm zî wina va: "Ma ewro verê heme çî nê hêrişan şermezar kenê. Ewro hêrişê ke ser Efrînî yenê kerdiş, heme şarê Rojawan û Vakurê Sûrîye yenê kerdiş. Hemverê nê planê lişîn, ma do têkoşîn û koletî qebûl nêkerê. Her roje ma do waran de bê, mîyanê tevger û çalakîyan de bê heta ke hêrişê ser Efrînî peynî bê."