ENQERE - Serpîl Kemalbay dîyar kerde ke hêrişê hemverê Efrînî seba astengkerdişê statuyê şarê Vakurê Sûrîye û vindertişê DYA û Rûsyayî wina şîrove kerde: "Seba berjewendîyê xo no şerî şarî rê ferz kenê. Şarê Efrînê ne bi piştdayîşê Rûsya û ne zî bi piştdayîşê DYAyî têkoşîn danê. Şarê mintiqa seba welat, nan, awe û herra xo xo ver danê."

 

Hêrişê ke Tirkîya û OSO pîya hemverê Efrînî dayê destpêkerdiş kewt roja 9in 24ê Çele de Meclîsê Weşîya Kantonê Efrînî zanayîşêke da û dîyar kerde ke heta nika 34 sivîl qetil bîyê û 106 kesî birîndar bîyê û heto bîn ra hêrişê hewa û bejayî dewam kenê.

 

Hemsereka HDPî Serpîl Kemalbay, AKP û Tayyîp Erdogan rexne kerd û da zanayîş ke do hemverê şer her wext vinderê.

 

'Ma îqtîdarê AKPî û Erdoganî şermezar kenê'

 

Serpîle dîyar kerd ke seba sivîlê ke şerê Efrînî de cuya xo vinî kerdê û zaf xemgînê û va netîceyê eştişê topê ke 9 roje dewam kenê de şarê sivîl hedef ameyê girewtiş û va ê berpirsê şerî AKP û Erdoganî şermezar kenê.

 

Serpîle dewam de ard ziwan ke rojawan de prosesê pêrodayîşî hemverê faşîzmê DAÎŞî têkoşîn ame destpêkerdiş, açerya îdarekerdişê xoserî yê demokratîk û wina va: "Wextê nêzdî de şarê Rojawanî weçînayîşê xo yê meclîsan viraştî. No hewldayîş îqtîdar nika virazyayo, rastê wextê dema destpêkê prosesê muzakereyî yeno."

 

'Rojawan çimeyê hêvîya şaran o'

 

Serpîle dewamê qiseykerdişê xo de ard ziwan ke bi Rojawanî dir, Sûrîye bi demokrasî û aştîye ame vîrardiş û bi hêrişê hemverê Efrînî reyna kewtê prosesê şerêke newe û nê çî ard ziwan: "Ma bi îqtîdarê ke hêzê OSOyî perwerde kerd û varada waran. Ewro ganî Tirkîya mintiqa de dîyalog muzakere û maseya aştî xurt bikerdêne. Seba şarê ma metodê en baş o. Hêzê demokrasî ganî çarçeweya demokratîk a hempar de demokrasî xurt bikerê."

 

'Ne cinî û ne şar qebul nêkenê'

 

Serpîle ard ziwan ke Rojawan de cinî mîsyonêke xeylê girîng de yê û va ke ne cinî û ne zî şar hêrişê hemverê Rojawanî qebûl nêkenê û va: "Awankerdişê aştî, têduştî û demokrasî de cinîyan cepheyê vernî de ca girewtî. Ma zî şorişê Rojawanî de kîşte cinîyan de ca gênê. tirkîya polîtîkatê xo yê zerî de polîtîkayê înkar û teda rayîra benê. Yeno hewldayîş ke rejîmê yew kesî bêro awankerdiş. Nêwazenê şarê Kurd bibê wayîrê statu. La ma do her wext hemverê şerî vinderê."