MÊRDÎN - Nisêbînî de qedexeyê tebervejîyayîşî yê 14ê adara 2016î ra dima bi desan cenazeyî goristanê bêkesan de ameybî definkerdiş. 28 cenazeyê ke 3 aşmî verê cu ameybî teşhîskerdiş ra tena 8 cenazeyî dîyayî keyeyê înan. Keyeyê cenazeyan seba girewtişê cenazeyanê xo, 2 serran de 3 reye gonî dayî û tewr peynî zî muracatê Komeleya Heqê Mediman (ÎHD) yê Mêrdînî kerdî. keyeyê cenazeyan bi desan reye waştişname erşawitî, labelê tewr peynî zî doze akerdî.

 

Dozgerî bi mehneya ‘ma adrese vînî kerde’ û ‘dosya kargo de yî’ keyeyan apey agêrnaye. Doze 4. Mehkemaya Cezaya Girde ya Mêrdînî de ameye akerdiş û talebê herînayişê cenazeyan yê keyeyan amey redkerdiş.

 

Mehkema dosya erşawit Serdozgerîya rê. Serdozgerî dîyar kedre ke selahîyetê înan yê definkerdişî çin o. Dozgero ke dosya reyde eleqeran bîyêne dosya erşawit Nisêbînî. Dozgerî cewabê ‘şima bîla sebeb tîya de vindenê’ da keyeyan. Goreyê xeberanê, 83 kesê ke qeza de cuyê xo vînî kerdî ra tena 35 cenazeyî Goristanê Bêkesan de ameyî definkerdiş û teslîmê keyeyan ameyî kerdiş. 48 cenazeyê sewbîna zî hema bajarê cîya de goristanê bêkesan de yî.

 

Cenazeyan ra 6 hebî Goristanê Yenîkoyî yê Amedî, 18 hebî Mêrdîn û 28 hebî zî Riha de yî. 3 aşmî verê cu cenazeyê 6 kesan goristanê bêkesan yê Stenbolî de ameybî definkerdiş û bi talîmatê dozgerî reyna ameybî vetiş. Badê vetişî cenaze goristanê Mêrdînî de ameybî definkerdiş. Rojê verênan de ame îdîakerdiş ke Serdozgerîyê Mêrdînî talîmatê xirakerdişê goristanê bêkesan dayo û vato ke wa cenazeyî bibî sewbîna cayêk. Badê hedîseyî keyeyê mezelan dormeyê goristanê dês kerdî.

 

Badê pêrodayişî Cizîr, Gever û Şirnexî de hûmara kesê ke goristanê  bêkesan de ameyî definkerdiş wina yî: “Amed 18, Mêrdîn 12, Dîlok 20, Habur 47, Cizîr 16, Şirnex 13, Erzirom 51, Meletî 15, ElezÎz 1, Nisêbîn 25 û Riha 28 e.”