MERKEZÊ XEBERAN - Îlahiyatnas Îhsan Şenocako ke cinîyê pantolê qot danê xo ra sey 'cehenem' îlan kerdib û dima ra wezîfeyê xo ra amebi dûrvistiş û reyna ame ser karê xo.

 

Îlahiyatnas Îhsan Şenocak cinîyê ke pantolê qotî danê xo ra sey 'cehenem' îlan kerdib û no ser ra hetê Dîyanetî ra karê xo ra amebi dûrvistiş. Îhsan dimayê 3 aşman ageyra serê karê xo. Xebera ageyrayîşê ser karê Îhsanî rojnameyê, 'Yenî Akît' nê sey 'xeletîyêke ame açernayîş'pênase kerd û da eşnawitiş.

 

Îhsan Şenocakî vatib çi?

 

Vatişê Îhsanî yê ser medya de tesîr kerdib wina bi: "Wexto ke kêna pantol dana xo ra û kuçe ra derbaz bena, zerrîya to parçe beno gelo? Kênaya to 18 serrî wexto ke birûyê xo berz kena û bi pantolon şina unîversîte eke o ewxt zerrîya to perçe nêbeno, wellehî do roja qîyametî de cehenem to parçe bikero. To emanê tê Homa ard çi halî? Kêfê to ame wexto ke kêna to unîversîte qezenc kerd. Seba ke kêna to bibo doktore, muhendîs kêfê to ame, seba ke kêna to mecburê kesî nêbo kêfê to ame. Kêfê to ame la wexto ke kêna to pantolon dana xo ra heme camêrdî konê pey aye. To kêna xo eşt mîyanê cehenemî."