EFRÎN - Hemsereka Encumana Weşîya Kantonê Efrînî Ancêla Reşo derheqê hêrişê dewleta tirkî serê Efrînî ercnayîşê xo ard ziwan û va: "Şarê Efrînî xoverdayîşêke bêhempa kenê û bi rûmetêke giran wayîrê herra xo vejênê."

 

Hemsereka Encumana Weşîya Kantonê Efrînî Ancêla Reşo derheqê hêrişê dewleta tirkî serê Efrînî dîyar kerde ke şarê Efrînî bi doman, ciwan, cinî û kal û pîran serê lingan de yê û wina va: "Dewleta tirkî hêrişê şarê sivîl kenê û qirkerdiş kenê. La wa baş bizanê ke şar do serê lingan de bê û herra xo terk nêkerê."

 

'Şar herra xo wayîr vejênê û koç nêkenê'

 

Ancêla bale ant ser xoverdayîşê şarê Efrînî û va: "Dewleta tirkî seba şar koç bikero bombayan ser sivîlan de varnanê. La Efrîn de xoverdayîşêke bi hêz û bi îradeyêke xurt xo ver danê û şar herra xo wayîr vejênê û koç nêkenê. Şarê Efrînî serê lingan de yê û pawitişê xo yê rewa kenê. Şerwanê YPJ/YPGî seba pawitişê herra Efrînî û sîvîlî cewabê hêrişan danê. Ma do ser bikoy."

 

'Do hêz û moralê ma nêşiknê'

 

Ancêla ard ziwan ke hêrişê ser Efrînî hêz û moralê înan nêşikneno û qiseykerdişê xo wina qedêna: "Nê hêrişî do hêzê ma nêşiknê ma dêzdar benê. Ma sey cinî, ciwan û kal heme pey xoverdayîşê Efrînî de yê. Ancela veng da heme sazgehê mîyanneteweyî ke erjê xo bîyarê ca û hemverê hêrişan ser Efrînî bêveng nêmanê."