AMED - Meclîsê Dayîkê Aştîye derheqê hêrişê hemverê Efrînê de îzahat dayî. Dayîkê ke bi bi îzahatê xo hêrişê artêşa tirkî ê serê Efrînî şermezar kerdî, reaksîyon hemverê îtîfakê AKP,CHP û MHPî ke hemverê kurdan awan kerdê dayî.

 

Derheqê hêrişê ser Efrînî de hetê Meclîsê Dayîkê Aştîye ra îzahat ame dayîş. Îzahato ke awanîya Meclîsê Dayîkê Aştîye hetê Mewlude Ozbeke ra ame dayîş de hêrişê artêşê tirkî yê ser Efrînî ameyî şermezarkerdiş û ame vatiş ke heme şeran de dejo en pîl dayîkî ancenê. Eynî wextî de dayîkan îtîfaqê AKP, CHP û MHPî ke hemverê kurdan awan kerdî zî şermezar kerdî û nê çî vatî: "AKP, MHP û CHP wexto ke babete bena kurdî, heme benê yew û hêrişê kurdan kenê. Ma nê pîyakarîyê nijadperest şermezar kenê."

 

Mewlude dewamê qalîkerdişê xo de bale ante ser dejê ke dayîkî ancenê û wina va: "Ma wazenê ganî nê hêrişê ke ser Efrînî de yenê kerdiş ganî bêrê vindernayîş. Çi karê Erdogan û leşkerê ey Efrîn de esto. Ma dayîkî nêwazenê ke şer dewam bikero û cenaze ser ê ma de bêrê. Ma veng danê heme dayîkan ke hemverê nê şerî têkoşîn bikerê."

 

Mevlûde tewr peynî veng da heme şarê kurdî û wina va: "Wa şarê kurd hemverê nê şerî bêveng nêmanê. Eke bêveng bimanê beno ke siba roj çîyêk bîn biqewimyo. Gerek ma wirzê ser lingan û vengê xo berz bikerê. Efrîn tena nîyo, ma zî Efrîn dir ê."