Şêrîn Zêrevan

 

MERKEZÊ XEBERAN - Endama TEV-DEMî Asya Abdullahe dîyar kerde ke bêvengîya heme welatan yena mehneya tesdîqkerdişê hêriş û faşîzmê Tirkîya û va: “Şarê kurd vera şerê DAIŞî de serkewtişê pîlî qezenc kerdî û paytextê DAIŞî têk berdî. YPJ û YPGyî piştîya şarê Efrînî de yî û xoverdayişêko efsane danê meşnayiş”

 

Hêrişê dagîrkerî yê artêşa tirk û çeteyê girêdayeyê ci roja 5. de dewam kenî. Vera hêrişê dewleta tirkî de hêrs û reaksîyonê şarê kurdî nêqedîyenî. Cinîyê herêma Cizîrî reaksîyon nawitî hêrişê Tirkîya û ardî ziwan ke xoverdayişê Efrînî do ripelê tarîxî de sey xoverdayişê şaran bêro nuştiş. Babete ser o Endama TEV-DEMî Asya Abdullah, Verfeka Kongra Starî ya Herêma Cizîrî Evîn Siwêd, Îdarekara Cinîyê PYDyî Sîlvan Efrîn û Hemwelatîya binameyê Gulîstan Elîye qisey kerdî. Cinîyê herêma Cizîrî vînayişê xo ardî ziwan ser û dîyar kerde ke ganî herkes tewrê xoverdayişê Efrînî bibo.

 

Asya destpêkê qiseykerdişê xo de serweşî waşte û wina va. “Ma xoverdayişê şarê Efrîn, Şehba, YPJ û YPGyî slav kenê. Hêrişê Efrînî yê dewleta tirkî û Kobanî yewbînan reyde çin î. Wexto ke bin nameyê DAIŞî de hêrişê Kobanî kerdî, 24 saetî de kewtî mîyanê hewldayişê têkberişê Kobanî. Labelê hewldayişê înan sernêkewt. Nika hêrişê Efrînî kenê û do sey Kobanî, Efrînî de zî sernêkewî. Şarê kurd vera şerê DAIŞî de serkewtişê pîlî qezenc kerdî û paytextê DAIŞî têk berdî. Vera dewleta tirkî de xo xoverdayiş bibo. YPJ û YPGyî piştîya şarê Efrînî de yî û xoverdayişêko efsane danê meşnayiş. Heme welatî hêrişê Efrînî ra berpirsîyarî. Bêvengîya heme welatan yeno mehneya tesdîqkerdişê hêriş û faşîzmê Tirkîya. Dewleta tirkî hêrişê  sîstemê demokratîke keno. Ganî heme hêzî reaksîyon binawnî na rewşe.”

 

'Ma do hetê şervanan de bibê'

 

Evîne qiseykerdişê xo de wina va: “Dewleta tirkî tarîx ra nata hertim hêrişê kurdan û yê Efrînî kerdo. Nika zî bi tarzêko cîya hêriş keno. Dewleta tirkî bi nê hêrişan wazeno ke şarê herême bitersno û înan mecburê koçî bikero. Ma Rojawanê Kurdistanî de xoverdayiş da meşnayiş û destê çeteyanê DAIŞî ra azad kerd. Ma Serê Kanîye ra heta Dêra Zorî xover da ma do nika zî xover bidî. Do peynîya Erdogan û MHPyî bêro. Sey ke Kobanî bî peynîya DAIŞî do Efrînî zî bibo peynîya Erdoganî. Şervanê Kobanî heta peynî xover dayî û do Efrînî de zî xover bidî. Ma do hetê şervanan de bibî.”

 

'Efrîn do Erdoganî rê bibo goristan'

 

Sîlvane qiseykerdişê xo de xoverdayişê Efrînî slav kerde û hêrişê dewleta tirkî şermizar kerde û wina va: “Planê hêrişê Efrînî newe nîyo û girêdayeyê komployê mîyanneteweyî yo. Erdogan wazeno ke sîstemê Federalî yê Bakûrê Sûrîye têk bibero. Cok ra zî hêrişê Efrînî keno. Şarê Efrînî xoverdekar o û fek erdê xo ra vera nêdano. YPG û YPJ her ca de serkewte bîyî. Efrîn do Erdoganî rê bibo goristan û peynîya AKPyî bîaro.”

 

'Ganî heme kesî seba Efrînî xover bido'

 

Tewr peynî Gulîstane qisey kerde û wina va: “Ganî heme kesî seba Efrînî xover bido. Kobanî de heme kesê xover dayî û serkewte bîyî. Do Efrîn zî wina bibo. Ez veng dana heme kesan ke wa beşdarê xoverdayişî bidî.”