MÊRDÎN - Dî hepsîyê bi nameyê A. û T ke dimayê xoverdayîşê îdarekerdişê xoserî yê Nisêbînî ra dima ameyî tepiştiş û binê îşkence de îfade dayî, waştî ke îfadeyê xo bivurnê. Dadgerî îfadeyê binê îşkence de ameyê dayîş çin hesibna û û qerar da ke ‘qerarê vernî her wext rast yenê hesibnayîş'. Avûkatî zî do îtîrazê no qeraro ke ameyo dayîş bikerê.

 

Dimayê xoverdayîşê îdarekarîyê xoser ra dima, hemşaredarî zî tede xeylê hemwelatî seba îfadeyê şahidê nimte ameyî tepiştiş. Beşêke zaf ê şahidê nimte zî roniştişê ewil de îfadeyê xo peyser antî. Xeylê şahidê nimte dîyar kerdî ke îfade binê îşkence de dayê.

 

Nisêbîn de dimayê xoverdayîşê A. û T yê bi cezaya muebetî yenê hukmkerdiş, roniştişê yewin dewa de vatî ke: "îfadeyê ma yê ewil bi îşkence ameyî girewtiş. Ma nê îfadeyan qebul nêkenê." Dadgerî zî dîyar kerde ke ‘îfadeyê ewil se bi, ê do baldar bêrê girewtiş.'

 

Hemverê waştişê berat û temyîza ceza, heyetê dadgehe qerarê redkerdişî da. Dimayê heyetê dadgehe û dadgerî zî vat, îfadeyê ewil yê hepsîyan rast yenê hesibnayîş û dima ra avûkatî kewtî tevger. Avûkatî do qerar berê Heyetê Pêroyî yê Cezaya Dadgerî.