Duygu Cînîvîz

 

AMED - Hemsereka HDPî yê Amedî Fîlîz Bulutekîne dîyar kerde ke amancê her hîrê aşman ra rey dergkerdişê OHALî zêdekerdişê tedayê ser cinîyan û bi tepiştişê parlamenteran rayîr akerdişê komelî yê hêrişan o.

 

Dimayê hewldayîşê derbeyê 15ê Temmuza 2016an ra 20ê Temmuze de OHAL ame îlankerdiş û her hîrê aşman ra reyke yeno dergkerdiş û bi OHALî dir bêguman en zêde destkewteyê û têkoşînê cinîyan hedef ameyî girewtiş. Dimayê kombîyayîşê Heyetê Asayîşê Neteweyî ra dima OHAL reyke bîn zî ame dergkerdiş. Hemsereka HDPî yê Amedî Fîlîz Buluttekîn derheqê OHALî de şîrovekerdiş û dîyar kerd ke îqtîdar cinîyan hedef gêno.

 

'Hemverê serdestîyê camêrdan têkoşîn yeno dayîş'

 

Fîlîze da zanayîş ke cinî bi hezaran serre yo hemverê serdestîyê camêrdan têkoşîn kenê û wina va: "Têkoşînê azadîya cinîyan çareserîyê problemê komelî zî xo dir arda. zîhniyetê camêrdan polîtîkayê ke cinîyan qij fînenê, girêdayîşê camêrdan de verdenê, şîdet kenê û kenê cuyayîş."

 

'Cinî bi hawayêke sîstematîk rastê hêrişan yenê'

 

Fîlîze da zanayîş ke dimayê îlankerdişê OHALî xeylê hemverê huquqî bi KHK dir ameyê meşrûkerdiş û nê çî vatî: "No wextî de bi hawayêke sîstematîk, cinî ameyî qetilkerdiş, bedenê înan ame teşhîrkerdiş. Hemverê cinîyan her tewir polîtakayê lêşîn ameyî kerdiş. 2017 de nêzdîyê 400 cinî hetê camêrdan ra ameyî qetilkerdiş. 50 ra zêde cinî rastê hêrişê zayendî ameyî, 126 cinî ameyî tacîzkerdiş û 215 domanê kêna rastê îstîsmaro zayendî ameyî. Bi mufredatê perwerdeyê zayendî dir zayendeyê komelî ame kûrkerdiş. No zî bi OHALî dir giran bi."

 

Fîlîze dewam de wina va: "Tedayê ser cinîyan, tepiştişê sîyasetmedaran, girewtişê rayîrê sîyasetê  demokratîk û wedartişê sîstemê hemserekî, komel hêrişan rê ame akerdiş. Wazenê komelî bêpawitiş verdê. Sebebê ey zî o yo ke îqtîdar modelê xo şaran rê ferz bikero. Ma sey HDP do bi heme hetê komelî dir têkoşînê demokratîk dewam bikerê. Gerek ma hemverê hêzê paramîlîter zî bi hawayêke hempar têkoşîn bikerê."