MERKEZÊ XEBERAN - Parlamenterê Kurd ê Meclîsê Serdayîşî yê Îslamî, bi mesajêke derheqê hêrişê ser Efrînî yenê kerdiş NY re eşrawitî û waştî ke NY biko mîyanê tevgerî.

 

Parlamenterê Kurd ê Meclîsê Serdayîşê yê Îslamî, derheqê hêrîşê Tirkîya ser Efrînî, Sekreterîyê Pêroyîyê Neteweyê Yewbîyayeyî rê mesaj eşrawitî. Parlamenteran bi mesajê ke eşrawitî waştî ke NY hemverê hêrişan biko tevger. Mesajê Parlamenterê kurdan wina yo: "Yeno zanîş ke Erdogan kurdê bê suc û guna ê rojawanê Kurdistanî bomba keno û bi nê hêrişan qirkerdiş yeno kerdiş. La hemverê nê wehşî Tirkîya ê mîyan Neteweyî Yewbîyayeyî û rêxistinê bîn ê mîyan mîyanneteweyî bêveng manenê. Hêzê dinya ke propagandayê heqê merdiman kenê, hemverê nê qirkerdişanê Tirkîya de bêveng manenê."

 

'Ganî NY berpirsîyarîyê xo bi ca bîyaro'

 

Parlamenterê kurd mesajê xo de dîyar kerdî ke heme dinya de cengawerîya kurdan a hemverê DAÎŞî şahîdî kerdî û peynîye mesajî de wina ame vatiş: "Ma sey Meclîsê Serdayîşê Îranî vanê ke ma çîyê Tirkîya û serekkomarê aye kiştox kenê şermezar û mahkum kenê. Ma sey Îran û seyê şarê dinya aştîye wazenê, vanê ke ganî NY hemverê na rewşe bikoy tevger û sucê ke yeno kerdiş vindarnê. Kesê ke hemverê wehşetî bi berpirsîyarî tênêgeyrê do xo ra şerm bikerê."