EFRÎN - Seba 16 kesê ke netîceyê bombardumankerdişê artêşa  dewleta tirkan de cuya xo vinî kerdî merasim ame viraştiş.

 

Seba 14 kesê ke netîceyê bombardumankerdişê TSK de cuya xo vinî kerdî, rayşîyayîş ame kerdiş. Kesê ke cuya xo vinî kerdî 14 ci ra sivîl 2 kesî zî şerwanê YPG bî. Cenazeyê ke Nêweşxaneyê Avrîn ra teslîm ameyî girewtiş, ser milan de ameyî oxirkerdiş. Rayşîyayîş nêweşxane ra dest pêkerd, heta ke cayê cenaze do bêrê definkerdiş sloganê "Şehîd nêmirenê","Bicuyo Serek Apo","Bicuyo xoverdayîşê Efrînî" ameyî berzkerdiş.

 

'Ma do herra xo bipawê'

 

Dimayê rayşşîyayîşî Endama Îdarekarîya Sazgehê Keyeyê Şehîdan Şazîye Îbrahîm veng da Serekê Pêroyî yê AKPî Tayyip Erdoganî û wina va: "Ma sey keyeyê şehîdan Erdogan û Rûsya ra vanê ke kayê wina nêeşkenê şima zî dawa ma sar bikero! Ma do heta peynî herra xo bipawê. Ma Rûsya lanet kenê. Semedo ke domanê ma DAÎŞ qedênayî şima dişminê ma yê?"

 

Hemserekê Kantonê Efrînî Mustafa Hesen reaksîyon hemverê vatişê Tirkîya ke "Ma  dayo nuktayê YPGî ro" da û wina va: "Wa Erdogan bêro û domanê ke hetê înan ra ameyê bombardumankerdiş biewnîyo. Ma heta gonîya xo peynî herra xo terk nêkerê."

 

Seba definkerdişê 16 cenazeyan  "Şehîdgehê Efrîn û Şehba" kewtî rayîr.