Lîlav Elî

 

EFRÎN - Cinîyê qezaya Şerayî hêrişê dewleta Tirkan şermezar kerdî û vatî: "Efrîn do vinî nêkero û bibo warê serewedartişî."

 

Dewleta Tirkan bi teyereyan Efrînî bombarduman kenê û her ke şino hêrişanê xo zêde kenê. Şarê Efrînî zî nê hêrişan şermezar kenê û vanê heta dilope gonîya ma peynî ma do fek herra xo ra vera nêdê.

 

Hemwelatîya bi nameyê Zeyneb Elî hêrişê dewleta Tirkan şermezar kerdî û va: "Bi 6 rojî yo dewleta AKPî hêrişê xo yê wehşî mintiqaya Efrînî û heme gundewar û qezaya Efrînî zêde kerdê. Wazena bi hêrişê xo şarê kurdî têk bero, la îradeyê şarê Kurd her ke şino hemverê hêrişê dewleta AKPî hîna xurt beno."

 

Cinîya bi nameyê Werdê Kur Hemdû hêrişê dewleta Tirkan şermezar kerde û wina va: "Wa dewleta Tirkan a îşgalkerdoxe baş bizano ke cinîyê mintiqaya Efrînî tanq û topê înan ra nêtersenê, semedo ke îradeyê ma hêrişê înan ra hîna xurt o. Ma semedê herra xo ganê xo feda bikerê, semedo ke na herra ke ma ser de cuyenê, bi hezaran şehîdê azadî ser de şer kerdê û xo ver dayê."

 

Eynî wextî de Emel Xelîle zî reaksîyonê xo wina mojna ra: "Ez veng dana heme Rêxistinê Heqê Merdiman ke hemverê vermerdimayî dewleta Tirkan a îşgalkerdoxan ke ser şarê Kurd de ca ana bêveng nêmanê. Ma zî sey cinîyê mintiqaya Efrînî bi doman û kalê xo pîya hemverê dişminan şer bikerê."

 

Heto bîn ra zî Fexriyê Hesene wina va: "Bi xoverdayîşê şarê Efrînî û bi taybet zî cinîyê ke bêmabên cepheyan de şer kenê, ma do bi ser bikoyê û do Tayyîp Erdogan vinî bikero."