SÊRT - Îdarekarê HDPî yê ke Sêrte de ameyî tepiştiş, serbest ameyî veradayîş.

 

Vizîr şande polîsan eştî ser Rêxistine Bajarê Partîya Demokratîkê Şaran ê Sêrte (HDP) û Hemsereka Bajarê HDPî Necibe Îlhan, Hemsereka Qezaya Merkezî Guri Toprak û Saymanî Bajarê HDPî Hayrettîn Şenî tepişnayî. Dimayê îfadeyê înan ê asayîşî serbest ameyî veradayîş. Ame zanayîş ke wextê eştişê awanîya partî de, polîsan persê afîş û dovîzê awanî kerdê.

 

Heto bîn ra cigêrayîşê polîsan ê awanîya Partîya Mintiqiya Demokratîk (DBP) vizîrî şande peynî bi. Netîceyê cigêrayîşî de hîn afîş û kitabê awanî ameyî destserkerdiş.