MERKEZÊ XEBERAN - Cinîyan dîyar kerde ke hêrişê TSK û OSOyî hemverê Efrînî do mabêne şaran de bibo sebebê perçebîyayîşî û dîyar kerdî ke hemverê hêrişan ganî ruhê yewîye bêro awankerdiş.

 

Bi îzahatê serekê Pêroyîyê AKPî Tayyip Erdogan ke va hêrişê hemverê Efrînî bi hawayêke fîîlî dest pêkerdo de hêrişê hawa ra yew ci ra doman 10 kesî cuya xo vinî kerdî averşîyayîşê OSOyî ê bejayî zî hetê hêzê YPG û YPJî ra yeno vindarnayîş. Hemsereka KCDî Leyla Guvene reaksîyon hemverê îşgalkerdoxîyê Efrînî da û va Efrîn tena nîyo.

 

'Tirkîya bi adir dir kay kena'

 

Leyla ard ziwan ke Tirkîya bi rastî adir dir kay kena û wina va: "Wa Tirkîya bi zana ke Efrîn tena nîyo. Ma ewro zanê ke hemverê Efrînî hêriş yenê kerdiş. No hêriş bi destûrê Rusya yeno kerdiş. Ma temaşekerdişê Rûsya zî û Amerîka zî şermezar kenê. Xora Kurdêke ça bo Tirkîya hêriş kena. Ma do zî bi ruhê Kobanî wayîrê Efrînî vejyê. Serkewtiş do her wext şarê Kurdî bo."

 

'Ma veng danê heme şaran ke hemverê şerî vejyê'

 

Parlamentera HDPî ya Şirnexî Aycan Îrmeze ard ziwan ke hêriş hemverê şarê Kurdî ameyî kerdiş û wina va: "Hêriş do nefret û kînê mabêne şaran de kûr bikero. Şerê rojhelato mîyanên de tena seba hêzê emperyal bi fêde yo. Do en zaf şarê Kurd û Tirk dej bancê. Ganî kesê ke vanê ma demokrat û merdim ê, hemverê no şer de vinderê. Do şerê şerê Sûrîye ke 7 serre yo dewam keno kûr bikero."

 

Sereka ÎHDî ya Meletî Gonul Ozturkoglu zî da zanayîş ke hêrişê ke ameyê kerdiş, nîşaneyê rîyê kiştox a dewlete ya û va en zaf do bi dewleta Tirkîye bido vinîkerdiş û wina va: "Dewlete wayîrê zîhnîyetêke kiştox a. AKP wextê peyînan de eşkera rîyê xo yê kiştox mojnena rê. Nê hêrişî bi zîhneyetî DAÎŞî wey benê. Ma bi rastîyê dewletêke şarê sivîl qetil kenê dir rî bi rî yê. Ez veng dana kesê heme bi wayîrê wijdanî ke wayîrê Efrînî vejyê."

 

'Kiştoxî do hesab bidê' 

 

Sekretera Şubeyê Egîtîm Senê Meletî Nuriye Yilmaz zî ard ziwan ke hêrişê ke ameyê kerdiş de, zîhnîyetê kiştox wayîr benê û her kesê ke bîyê hemkarê hêrişê Efrînî do hesab bidê şar î û va ke ganî hemverê hêrişê ruhê yewîye bêro awankerdiş.