Lîlav Elî-Cudî Zênû

 

EFRÎN - Cinîyê dewa Şingîlî yê Qezaya Bilbilî yê Mintiqaya Efrînî hêrişê dewleta tirk ê îşgalkerdoxan ke serê Efrînî û dewa aye şermezar kerdî.

 

Cinîyê dewa Şingîlê yê Qezaya Bilbilî yê Mintiqaya Efrînî hêrişê dewleta tirkan şermezar kerdî û cinîyan va: "Dewleta tirkan gêj û harbîyayîşê xo bi çekê giranan hêrişê Mintiqaya Efrînî kerdî, labelê nêeşkena bi hêrişê xo îradeyê şarê mintiqaya Efrînî bişkno."

 

Hemsereka Komîna Dewa Şîngîlî yê Girêdayê qezaya Bilbilî Zeyneb Muhemed Atişî ajansê ma rê ewnîyayîşê xo pare kerd: "Bi demêke dewleta tirkan topê xo erzena serê ma û wazena ke bi hêrişê xo şarî bitersno. Labelê do qetî şarê Kurd hêrişê dewleta tirkan ra nêtersenê û qetî ma herra xo ra nêvejênê. Semedo ke ma serê Efîn de maya xo ra bîyê. Şarê mintiqaya Efrînî wayîrê îrade yê û qetî do hêrişê înan nêşiknê. Ma do heta peynî ma do kîşte YPG-YPJê bê."

 

Heta peynî xoverdayîş

 

Îdarekarê Kongira Starî Dewa Şîngîlî Emîne Xelîl dîyar kerd ke dewleta tirkan gêj û harbîyayîşê xo bi çekê giran hêrişê Mintiqaya Efrînî û dewê ver sînor kenê û wina va: "Dewleta tirkan nêeşkena bi hêrişê xo îradeyê şarê mintiqaya Efrînî bişknê. Rayşîyayîşê peynî de mintiqaya Efrînî de temamê dinya rê dayî îspatkerdiş ê qetî dewleta tirkan û çeteyê ci nêtersenê û do heta peynî xo ver bidê."

 

'Ma bostêke herra xo nêdanê'

 

Eynî wextî de hemwelatîya bi nameyê Zekîye Muhemed zî wina va: "Dewleta tirkan her roje bêmabên hêrişê dewa ma kena. La wa baş bizano ke şarê kurd bostêke herra xo nêdanê Erdogan. Ma do heta peynî xo ver bidê."

 

Heto bîn ra hemwelatîya bi nameyê Zeyneb Ehmeda ke emrê aye 75 serre ya reaksîyon mojna ra û wina va: "Ez sey mayêke Efrînije qetî fek xoverdayîşê xo ra vera nêdana û eke mi ra bêro waştiş ez do xo bikerî top û xo mîyanê tirkan de biteqînî."