MERKEZÊ XEBERAN - Parlamnetera HDPî ya Stenbolî Fîlîz Kerestecîoglu reaksîyon mojnayî hêrişê îşgalkerdoxê AKP-MHP û Artêşa Azad ê Sûrîye hemverê Efrînî kenê û veng heme raya pêroyî, kesê  hemverê şer ke hêrişê protesto bikerê û veng bidê Efrînî.

 

Reaksîyon  hemverê hêrişê ke AKP-MHP û OSOyî hemverê Efrînî dayê destpêkerdiş dewam kenê. Parlamentera HDPî ya Stenbolî Fîlîz Kerestecîoglu  dîyar kerde ke hêrişê hemverê Efrînî tena beka qesre ameyo kerdiş û va: “Ti hetê huqûqî verê çiman de nêameyo girewtiş. Huqûqê şerî ameyo binpêkerdiş. Ma qetî qebul nêkenê."

 

'Hewl danê îhtîmalê şerî meydan ra wedarnê'

 

Fîlîze dewam de ard ziwan ke AKP sey her çî mîyanê aştî veng kerdo û wina va: "Hemverê mintiqayê ke DAÎŞ orte ra ameyê wedartiş, hêriş kerdiş yeno manaya ke îhtîmalê şerî orte ra wedarnayê. AKP nika rewşa panîk û înfîalî de ya. Tirkîya her het ra derezêna. Îstîsmarê domanan, feqîrî, nîjadperestî, cîyavînayîş. Ma nê çîyan hemine vînenê. Îqtîdar vano qey do wina derbaz bibo. La wina derbaz nêbeno."

 

Fîlîze peynîya qiseykerdişê xo de veng da heme raya pêroyî, kesê hemverê şer kerdî ke nê hêeişan protesto bikerê û veng bidê Efrîn.

 

Femînîst nuştox Ayşe Duzkane zî wina va: "Sebebê hukmatî bi ti hawa mudaxeleyê hemverê  Efrînî heqdar nêkeno. Eke Efrîn ya zî Surîye cayêke Kurdî zêde cuyenê, hemverê Tirkiya mudaxale bêro kerdiş û no zî rast bo û no ser şer virazîyo, semedê hukmatê Surîya zî bi desan rey heqê mudaxaleyê Tirkîya virazyayo. Semedo ke dozger û emnîyetê Tirkîya dîyar kerdî ke Tirkîya DAIŞ û rêxistinê derbazê Sûrîye bîyê."