Vîyan Seîd/Ehlam Hecî

 

ŞENGAL - Bi xoverdayişê şervanê HSDyî roj bi roje cinî û domanê êzidîyî destê çeteyanê DAIŞî ra yenê xelisnayiş û resenê azadîya xo. Înan ra yew zî domana bi nameyê Reyna Seydu Xidire ya. Reyna destê çeteyanê DAIŞî ra amey xelisnayiş û hetê TAJÊye ra teslîmê keyeyê aye amey kerdiş.

 

3ê tebaxa 2014î de çeteyê DAIŞî hêrişê Şengalî kerdbî û bi hezaran cinîyê êzidîyan xo reyde berdbî. Badê fermanê peyên yê êzidîyan şervanê HSDyî 500 kesî ra zêdeyêr cinî û domananê êzidîyan xelisnayî. Tewr peynî domana bi nameyê Reyna Seydu Xidire çeteyan ra xelisnayiş û hetê Hereketê Azadîya Cinîyê Êzidî (TAJÊ) ra teslîmê keyeyê aye amey kerdiş. Babete ser o domana binameyê  Reyna Seydu Xidir, ciniyê datê Renyaye Edule Murad û sêr nameyê TAJÊye Edule Alîye qisey kerd. Reyna qiseykerdişê xo de qala çîyê ke destê çeteyan DAIŞî ra anta kerde.

 

'Çeteyî ma dayî cereyanî ro'

 

Reyna qiseykerdişê xo de qala hîkayeya xo kerde û wina va: “Wexto ke ma ameyî girewtiş, ma berdî zindana Badoşî. Ewja de ma dayî cereyanî ro. Çeteyî ma tehdit kerdî û vatî ‘ma do şima bikişî.’ Çeteyî her roje ma kutêne û wexto ke ma sey qala înan nêkerdêne îşkence bi ma kerdêne. Ez nika xeylê kêfweşa ke destê çeteyanê DAIŞî ra xelisîya ya. Ez spasîyê xo heme embazan rê kena.”

 

'Kênaya ma bi gonîya şehîdan amey xelisnayiş'

 

Edule Murade qiseykerdişê xo de wina va: “Ez xelisnayişê Renya ver xeylê kêfweş a. Kênaya ma Renya bi gonîya şehîdan, destê çeteyanê wehşî ra amey xelisnayiş. Ma heme şervan û şehîdanê Kurdistanî rê spasîyanê xo kenê.”

 

'Xelisnayiş bi felsefeya Rayber Apoyî bî'

 

Tewr peynî sêr nameyê TAJÊye ra Edule Elîye qisey kerde û wina va: “Ma xelisnayişê Renya ver xeylê kêfweş î. Ewro reyna bi xoverdayişê şervananê HSDyî domana êzidî amey xelisnayiş. Xelisnayişê kênaya ma girêdayeyê felsefeya Rayber Apoyî yo. Ma kênaya xo teslîmê keyeyê aye kerdî û ma omid kenê ke heme esîrê destê çeteyan bêrî xelisnayiş.