MÊRDÎN - Nisêbîn de dimayê pêrodayîşê ke ameyî cuyayîş, TOKÎyan dest pêkerd û keyeyan taxan de înşaatêTOKÎ nêwaştî, xover dayî û îmza red kerdî. No semed ra zî TOKÎ karê xo hêdî hêdî kena û buroyê îrtîbatî zî her roje keyeyan rê mesaj eşrawenê û  wazenê muracatê ‘komîsyonê mutabakatî' bikerê.

 

Qezaya Nisêbînê Mêrdînî de prosesê ‘qedexeyê tebervejyayîşê kuçeyan de' bi seyan keyeyan xesar dîbî, tahsîsê TOKÎ ameyî kerdiş. Înşaatê TOKÎ 3ê Adara 2017an de bingeyê ci ame eştiş de heta nika karkerêke merd û 7 karkerî zî birîndar bî. TOKÎyê ke ameyne vatiş do serra newa de bêrê teslîmkerdiş, semedê hûmara keyeyê ke îmza eştî  kêm ê, xebatê ci hêdî hêdî yenê kerdiş. Buroyê Îrtîbatê TOKÎ zî nê rojan roje ra 3-4 mesaj keyeyan rê eşrawenê û wazenê ke muracatê komîsyonê mutabakatî bikerê.

 

Heyetê AKPî zîyaret kerd

 

Semedê viraştişê înan bi desan rey kanalê awe û dîrekê ceyranî yê TOKÎ teqyayî û heta ewro bi desan heyetê AKPî înşaat zîyaret kerdî. Serekê Merkezê AKPî Mehmet Alî Dundar îzahat de 4 taxê Nisêbîn de 4 hezar awanî yenê viraştiş. Dimayê serra newa ma do teslîm bikerê. Ma bi hêvîya ke wextê ke kilm de Nisêbîn bikerê bajarêke modern.' Hemwelatîyê seba TOKÎyan bi serrêke bê keye yê zî reaksîyon hemverê îzahatî dayî.

 

Hîna cenaze û muhîmat yenê vetiş

 

Warê TOKÎyan de en peynî aşma teşrîna verêne de cenazeyêke amî vetiş û rojê vîyarte de ame îdiakerdiş ke hîna muhîmat warê înşaatî de estê û semedo ke hemwelatîyan îmza nêeştê, hewl yeno dayîş ke hemwelatîyan îkna bikerê. Her roje hetê buroyê îrtîbatî ra mesaj seba keyeyan yeno eşrawitiş û keyeyê ke îmza nêerzê hetkarîya înan kîra yena birnayîş. Keyeyê ke îmza nêerzenê zî rastê tehdîdê ‘o wext kîra de bimanê' yenê.