Şehrîban Aslan-Duygu Cînîvîz

 

AMED - Taxa Îskenderpaşayê Sûrî, aşma peyîn de 5 cinî hetê eynî camêrdî ra rastê tacîzî ameyî. Cinîyan hemverê tacîzî taxe de dest bi nobete kerdî û vatî: "Ya do camêrdo tacîzkardox bêro tepiştiş, ya zî ma do nobete bigîrê. Wexto ke ma bigîrê zî ma do pawitişê xo yê cewherî bikerê."

 

Qezaya Sûrî yê Amedî dimayê qedexeyê tebervejyayîşê kuçeyan û pêrodayîşê her ca bi nokteyê polîsan û qerekolan kerdî binê abluqa û heto bîn ra fuhuş û xebitnayîşê tiryakî zêde bî. Polîsê ke mudaxaleyê xebitnayîşê tîryakî û kesê ke roşenê nêkenê, camêrdo ke aşma peyîn de tacizî 5 cinîyan kerd zî nêtepişnenê. Cinîyan hemverê camêrdo ke mîyanê roje de mabêne saetê 07.00 û 19.00 de cinîyê ke tena bi sereyê xo yê tacîz keno, tedbîrê xo girewtî. Cinîyan hemverê tacîzê camêrdî nobeta xo girewtî û seba pawitişê cewherî zî amade yê.

 

'Ma nê çîyan qebûl nêkenê'

 

Cinîya bi nameyê Yuksel Kirbaci, taxe de nişnena ro û yew cinîyan ra ya nobete gêna û va cezaya ke semedê ey do cinî bidê û wina va: "Domanê ma estê. Serê siba rew şinê mektebe. Dima ra yenê kuçe de kay kenê. Ma seba tacîzkerdoxî domananê xo zere de heps bikerê? Ma wina qebul nêkenê."

 

Şukran Çelîka ke nobete gêna wina va: "Heme domanê taxe domanê min ê. Ez zî sey cinîyê bînan nobete gêna. Ya do tacîzkerdox bêro vînayîş ya zî ma do bivînê."

 

Semra Tekole zî ard ziwan ke emsar bîya şahidê xeylê tacîz û fuhuşî û dîyar kerde ke eke hewce bo, ê do şew û roje nobete bigîrê û va domana aye qije esta û do aye bikero xo verike û nobete bigîro.

 

Nurhan Çelîke zî va semedo ke dewlete ceza nêzana înan, hêrişê winasî zêde benê û va: "Ceza danê înan, zere de înan wey kenê, dima ra vera danê. Dima ra vejênê û xirabîyê xo reyna kenê. Karê ke dewlete bikera ende ya. Ez do nobete xo bigîrê."