Evrim Kepenek 

 

STENBOL - Nuştoxe Karîn Karakaşli dîyar kerde ke qetilkerdişê Derhênerê Weşanê Pêroyî yê Rojnameyê Agosî Hrant Dink û rewşa welat her roje 19ê Çele ano vîrê aye

 

Qetilkerdişê Derhênerê Weşanê Pêroyî yê Rojnameyê Agosî Hrant Dînkî ser 11 serre derbaz bi. Hrant Dînk bi xatirwaştişê xo yê verê Rojnameyê Agosî de hêvî, aştî, cuyake têdûşt û azadî sey mîras verda û bi vatişê xo yê ewro zî sey kesêke rayîr mojneno merdiman.

 

Çîyê ke Hrantî pey xo de verda tena vatiş û nuşteyê ey ê. Verê cinîya ey Rakel, domanê ey û tornê ey yewa bîn zî esta. A zî sey Hrantî wazena nuştiş û nasnameyê xo ser lingan de verdo. Aye embaza Hrantî nuştox Karîn Karakaşlî ya.

 

Bi kelecan û bi hêvî... 

 

Wexto ke Karîne pêşbirka hîkayeya serra 1995an ê Kitabxaneyê Gençlîkî xelate girewte, reya ewil ro ci geyra Hrant bi. Dima ra Karîne rojname de xebitya. Karine serrê rojnameyî sey mektebe û serrê bi kelecan, bi hêvî, kêfxweş dana naskerdiş.

 

'Nêameyne vîrê ma ke ma do Hrant vînî bikerê'

 

Semedê Karîne serrê dimayê 2003an sey "Serrê bi versi" derbaz bi. O wextî de teda û kampanyayê lînckerdişî zêde bîbî. La o wext de nêameyne vîrê Karîne ke do Hrant vînî bikerê

 

Karîne wina dewam kena: "Birayê mi çin bi, la mi va rojêke maya mi û pîyê mi bimrê ez do tena nêmanî. Semedo ke verê mi de Hrant estbi. La qet ez vîrê merdişê Hrantî nêbîne. Dimayê 19ê Çele semedê mi demêke bi peynî bi."

 

'Mi pûsûlaya xo vînî kerde' 

 

Karîne dîyar kena ke aye goreyê vindertişê cuyayîşî de Hrant Dink û perspektîfê ey xo bi form kerda û wina va: "Dimayê merdişê Hrantî mi va qey pûsûlaya xo vînî kerde. Hema zî wina ya. Mi waştêne ey ewro çîyê ke ez nusnena û fikrîyena ey zî bidîne. Dimayê şîyayîşê ey no welatî de demê hîna xidar ameyî cuyayîş. Seba mi her roje sey 19ê Çele ya

 

'Terfîyê ke ganê merdimî gêno ameyî cuyayîş'

 

Karîne qiseykerdişê xo winî qedêna: "O wextî de berpirs nêame tepiştiş û terfîyê ke ganê merdimî gêno ameyî cuyayîş. Na dewa mojnena ke senîn heq û huqûq ameyê durvistiş. Miqyasê qirkerdişan zî çîyê ke ewro yenê cuyayîşi rîyê ey bîn mojneno ma."