Zeynep Turgut

 

ERDEXAN - HDP ke serra 2012 amî awankerdiş û xebatê xo dewam kena, her komel, reng û şar xebatkar, parlameter û rêveberê aye estê. Heto bîn ra HDPya ke bi rengîn û bi demokratîkbîyayîşê xo yena naskerdiş, partîya ke Tirkîya en zêde ciwan û cinî mîyan de ca gênê. Yew înan ra îdarekara HDPî zî Hemsereka HDPîya Erdexanî Feyzanur Demîr a. 

 

Serra 2012 de Partîya Demokratîka Şeran (HDP) ame awankerdiş. Partî de azadîya cinîyan û her şarêke ra rengêke esas yeno girewtiş. avakirin. Her çiqas HDP sey partîya şarê kurd bêra namekerdiş zî aye partîya heme şarê demokrasîwaştan û azadîwaştan yê Tirkîya ya. HDP ser nê bingehî de demêke kilm de her cayê Tirkîya de amî naskerdiş û semedê şaran bî hêvîya aşitî û azadî. Hemsereka HDPî ya Erdexanî Feyzanur Demîre zî yew înan ra kesê aştîwaştox û demokrasîwaştoxan a. Feyza her çiqas gurcî bo zî semedê pawitişê heqê şarê bindest mîyanê HDPe de ca gêna û Erdexan de hem zanîngeh wanena, hem zî hemserekîya HDPe yê Erdexanî kena.

 

'Vengê mazlûman bî'

 

Feyzanure dîyar kerde ke HDPe partîya hêvîyan a û wina va: "Ez Artvîn ra ya û gûrcî ya. Bi rastî mi heya demê weçînayîşê serekkomarî de zî HDP nas nêkerdêne. Mi perspektîfê HDP zî nêzanayne. La mi weçînayîş de vengê xo seba HDPî xebitna. Her wext. Semedo ke her wext hemserekê HDP yê merkez û qeza ameyne tepiştiş. Her wext hetê partîya hukmetî û partîyê muxalefetî ra ameyne hukmkerdiş. Hedefê heme partîyan bî. Mi xo ra vatêne Tirkîya de her wext kesê baş diyîn yenê vînayîş, lazim o ez HDP ser cigêrayîş bikerî. Tena HDP de yew reng nêbî. HDP de her komelî ra sîyasetmedarêke estbi. No zî mi kelecan kerd."

 

'HDP partîyêke zaf rengîn a'

 

Feyzanure ard ziwan ke HDP sey xoza reng bi rengîn a û wina va: "Semedê çi HDP? Semedo ke behro Sîya vatêne çay,  Denîzlî vatêne zeytûn, Amed vatêne zebeş mi zî tercîhê xo HDP ra kerd. Ma nika wexto ke beyraqê HDP zî ewnîyenê, ma vînenê ke reng bi rengîn ê. HDP her dîn, mezhep, nijad û şar mîyanê xo de gêna. Partîyêke zaf rengîn a. Cayê heme şaran mîyan de esta. No semed ra mîyanê HDP de ca gêna. Ex bi na zaf kêfweş bena. Heta peynî ma do mîyanê HDPe de têkoşînê xo dewam bikerê."

 

'HDP partîya cinîyê xoverdayoxan a'

 

Feyzanure da zanayîş ke HDP partîya cinîyê xoverdayoxan a û va ke sîstem têkoşînê cinîyan ra tersen o û wina va: "HDP de camêrdan ra zêde cinî estê û sîyaset de cinî hîna zêde ca gênê. Heta nika ti partî de ende cinî ca nêgirewtê. Partîya ma de sîstemê hemserekî esto. Cinî rayberîya polîtika kenê."