Safîye Alagaş

 

AMED - Camêrdo binameyê Zekî, cinîya binameyê M.ye îstîsmaro zayendî yê sîstematîk reyde rî bi rî verda û îşkenceyo fîzîkî bi M.ye kerd. Dayik û pîyê M.ye badê ke hedîse eşnawitî muracatê mehkema kerdî, labelê muracatê înan bênetîce mend. Zekî polîtîkayê bêcezaveradayişê camêrdî ra cesaret girewt û heta keyeyê M.ye şî. Dayik û pîyê M.ye vera Zekîyî de xopawitişê cewherî pê ardî û bi waştişê cezaya 12 serrî ra heta 18 serrî yenê muhakemekerdiş

 

Amedî de 3 serrî verê cu embazê M.ye, Huseyîn A.yî qezaya trafîkî de cuyê xo vînî kerd. Embazê Huseyîn A.yî, Zekî A.yî cinîya binameyê M.ye gêra û aye reyde qisey kerd. Zekî A.yî vera M.ye de îstismaro zayendî pê ard û 3 serrî yo ke înan tehdit keno. Badê îstismarî M.ye hamîle mende û Zekî A.yî zî dest bi îşkenceyî kerd. Îşenceyê Zekî A.yî ra ver doman pîzeyê M.ye de merd. Merdimê M.ye asansorî de dî ke Zekî A.yî îşkence bi M.ye keno û hedîseyî keyeyê M.ye rê va.

 

M.ye hedîse ra dima Zekî A.yî gere kerde. Labelê Zekî tehdit û tecawizanê xo dewam kerd. Badê gerrekerdişê keyeyî, Zekî ame tewqîfkerdiş û 15 rojî re dima serbest ame veradayiş. Zekî keyeyê M.ye mergî reyde tehdit kerd. Zekî 11ê adara 2017î de şî berê keyeyî ver û pîyê M.ye reyde munaqeşa kerd. Vengan ver dayika M.ye vejîya teber û Zekîyî şîddet bi înan kerd. Pîyê M.ye hedîse de Zekî kişt û şî teslîm bî.

 

Cinî û domanê Zekîyî şîddet û tecawizî çin hesîbnayî keyeyê M.ye gere kerdî. Dozgerî îdianame amade kerde û dîyar kerde ke dayika M.ye S.ye piştî daya û pîyê M.ye N.yî Zekîyî qetil kerdo. Îdîanameyo ke ameyo amadekerdiş de dayika M.ye S.ye bi 8 serrî yena muhakemekerdiş û qetilkerdişê qestî rê yena sucdarkerdiş. Muhakemekerdişê S. û N.yî Mehkemeya Cezaya Giran ya 3. Amedî de dewam keno.