Evrîm Kepenek

STENBOL - Hîrê mamosteyê bi KHK meslekê xo yê mamosteyî ra ameyî îxrackerdiş, bi aşman o Kadikoy de çalakîya roniştîşî kenê. Mamosteyan cayê ke tede manenê vurnay warê xoverdayîşî û hetê hemwelatî û wendekaran ra destek vînenê.

Kadikoyê Stenbolî de her rojê dişeme, çarşeme û şeme tevgerêke yeno cuyayîş. Mamosteyê endamê KESKî ke bi formayê ‘Ez karê xo, nanê xo peyser wazena' roniştê û dorê înan qelabalixe ke gêno. Çalakîya roniştişî ke çapemenî qet eleqe nêmojneno ra, ma musay ke bi hewtane virazêna.

Mamosteyan warê ke çalakîya roniştîşî viraznenê, vurnayê warê cuyayîşî. Komêke ciwanê ke taxêke dûr ê Stenbolî ra ameybî serdayîş, mamosteyan rê portakal ardibî. Ciwanan dîyar kerd ke ganî 'şima baş bêrê weykerdiş'. Yew mamosteyê ke çimê aye bereqênê Huda Yildirim a. Huda dîyar kerde ke aye qetî hetê ekono mî de mesleke xo rê nêewnîyawa û va amancê aye o biyo ke wendekaranê xo rê kitaban bido heskerdiş.  Huda 9 serre mamosteyî kerda û serra 10ine de ameya îxrackerdiş. Huda ard ziwan ke ê winî esan nêameyê nê rojan û wina va: "Ma bi serran semedê mesleke xebityayî, nika zî destê ma ra gênê."

'Ma merdimê ke demokrasî wazenê yê' 

Mamoste Asli Akdemîra ke bi KHKa ameya îxrackerdiş zî vana 'Mi zaf bêrîye wendekaranê xo kerda' û va aye wendekarîya xo de seba perwerdeyê laîk û bê pere têkoşîn daw û va "Prosesê mi yê îxracî verê dest pêkerdib. Nika her kesê yenê tîya, înan rê çîyê ke ameyê sereyê ma vana. Merdimî tam nêzanê se bîyo. Ma vanê 'ma merdimê ke demokrasî wazenê yê'. Ma bi qerarê ma bi ageyrê mesleke xo."

Mamoste Songul Tunçdemîre zî ard ziwan ke ê hemverê qanûnan zaf bi hêrs ê û ê rastê nêheqî ameyê û va: "Ez 13ê Sibate de ameya îxrackerdiş. 20ê Sibate de ma qerarê têkoşîn girewt. A roje ra nata ma têkoşînê xo kuçeyan de dewam kenê."