ŞIRNEX - Şirnex de serra 2015î de qedexeyê tebervejîyayîşî ameybî îlankerdiş û badê ke banê keyeyan hetê hêzê dewlete ra ameybî rijnayîş, hemwelatîyî TOKÎyan de ameyî bi ca kerdiş. Têkoşînê cuye yê nê keyeyan dewam keno.

 

Şirnexî de hemwelatîyê ke keyeyê înan hetê hêzê dewlete ra ameybî rijnayiş û TOKÎyan de ameyî bi ca kerdiş, problemê aw û cereyanî cuyenê. Babete ser o Suzan Kaplana ke keyeyê aye hetê hêzê dewlete ra amey rijnayiş û deyndar ameya vetiş qisey kerde.

 

'Ma mecburê nê keyan kenê'

 

Suzane qiseykerdişê xo de qala rijnayiş û hedefê pêrodayişan kerde û wina va: “Ruhê yewî pêrodayişî de ame serobinkerdiş. Heme şar û kesan yewbînan rê cîya kerdî. Çinbîyayişê şarê kurdî tîya de amey hedefkerdiş. Labelê se beno wa bibo, çina destê ma rê bêro ma do bikerî. TOKÎye keyeyan 2017î de teslîm kerdbî. Çinbîyayişê aw û cereyanî ver ma zehmetî ancenê.”

 

'Keyeyî sey qutîyan ê'

 

Suzane dewamê qiseykerdişê xo de wina va: “Keyeyê mi taxa Başakî de bî û wextê pêrodayişî de amey rijnayiş. Ma mecbur mendî ke TOKÎyan de bi ca bibî. Ma bi deynan keyeyê TOKÎyî herîna. Deynê keyeyê ma yo ke amey rijnayiş hema nêqedîyayo. Nika reyna ma bîyî deyndarê TOKÎyî. Dewlete hem keyeyê ma rijîna û hem zî ma deyndar vete. Nika ma 25 hezar TL dêyndarê dewlete yî.”

 

Se beno wa bibo

 

Suzane qiseykerdişê xo yê peyênan de wina va: “Rewşa ma ya ekonomîye baş nîya.ma bi zorî debara xo kenî. Keyeyê ma 3 odeyin o û şenik o. Keyeyê TOKÎyî qetî herindê keyeyanê ma yê verênan nêtepişenî. Mi bêreyê keye û cuya xo ya verêne kerde. Ez hewl dana kes ey verê cu bicuya. Tîya de cîrantî çin a û kesêk yewbînan nêşinasneno. Awanîyê TOKÎyî goreyê ma nîyî. Ruhê yewî zî rijnayişan de amey çinkerdiş.”