ŞIRNEX - Parlamentera HDPî ya Şirnexî Aycan Îrmeze dîyar kerde ke xeylê keyeyê ke qedexeyê tebervejyayîşê kuçeyan ê Şirnexî de keyeyê înan ameyê rijnayîş, mexdûr bîyê û vengdayîşê piştdayîşî heme şarê Kurd û kesê hîsgîran kerde.

 

Şirnex de mabêne 2015-2016an de qedexeyê tebervejyayîşê kuçeyan de xeylê keyeyî ameyî rijnayîş û bi seyan keyeyê ke herra xo terk nêkerdî, pêwa ke di serre ser ra derbaz bîyo zî hema bê keyeyê. Parlamentera HDPî ya Şirnexî Aycan Îrmeze da zanayîş ke pêwa qedexe ameyê wedartiş zî rijnayîş dewam kenê û wina va: "Şirnex de 10 keyeyan ra 7 keyan keyeyê înan ameyê rijnayîş. Hîn keyeyan semedê rijnayîşî çîyêk keyeyê xo ra nêgirewtî. Yê ke kargehê înan zirar dîyê estê. Şar û esnaf ameyî mexdûrkerdiş."

 

Kargerî û bodruman de cuyenê 

 

Aycane da zanayîş ke wextê rijnayîşî de destûr nêday ke, keyeyî hacetanê xo vejê teber û wina va: "Hêzê dewlete nêverda kes şêro keyeyê xo. Pêwa nê mexdûrîyetê ke ameyî cuyayîş, şarê Şirnexî koç nêkerd. Şert û mercê şarî ame zehmetkerdiş. Hîn keyeyî kargerîyê xo de hîn zî bodruman de bi ca bî. Hîn keyeyan zî axurê xo de hîn zî bodrumê xo pak kerdî û cuya xo dewam kerdî. Semeod ke alternatîfêke bîn ê şarî çin o. Ya şar koç bikerdêne ya zî nê şert û mercan de bicuyayne. Şar heme bi heme teda û zorî ser linganê xo de yê.

 

Zimistan şîdetîn derbaz beno

 

Aycane ard ziwan ke şar nêeşkeno lazimîyê xo yê pakîtî peyda bikero û va Şirnex zimistanî şîdetîn derbaz beno û semedê şert û mercê mewsîmî gerek bi keyeyan dir piştdayîş bêro xurtkerdiş. Aycane heto bîn ra semedê piştdayîşê semedê şarê Şirnexî vengdayîş kerd û va ma veng danê şarê teberê welatî zî wa şarê Şirnexî rê piştdayîş bidê.