DÊRIK - Yewin Konferansê Jîneolojî bi sloganê "Jîneolojî rastîyê komelî, bi xozaya cinî roşn keno" Rojawan-Vakurê Sûrîye de dest pêkerd.

 

Yewin Konferansê Jîneolojî merkezê Kultur û Hunerî ya Dîcle yê Dêrikê kantonê Qamişloyê mintiqaya Cizîr de bi sloganê "Jineolojî rastîya komelî bi xozaya cinî roşn keno" dest pêkerd. 200 delegeyê Rojawan-Vakurê Sûrîye û her çar parçeyê Kurdistanî ra beşdarê Konferansî bî. Heto bîn ra meymanê heme sey Kurd, Ereb, Turkmen, Suryanî, Çerkes, Ermenî beşdarê konferansî bî.

 

Eywana Konferansî bi fotografê Rayberê PKKî Abdullah Ocalan û tekoşerê cinî ameyî xemilnayîş. Eynî wextî de eywana konferansî pankertê "Modernîteya Demokratîk termînê şoreş û şaristanîyê cinî yo, cinî cuyayîş azadî, bi Sarayan ver bi îradeyê azadî, bi Sêvêyan ver bi îdarekerdiş" ameybî daleqnayîş.

 

Konferans bi deqeyêke rêzgirewtiş dest pêkerd, qiseykerdişê destpêkî hetê Hemsereka Federasyonê Vakurê Sûrîye Fûza Yûsif bêro kerdiş.

 

Heto bîn ra yewin konferansê Jîneolojî do di rojan dewam bikero. Roja yewin de do qiseykerdiş bêro kerdiş, sînevizyonê ser ê xebatê jinelojî do bêrê temaşekerdiş. Do perspektîfê Abdullah Ocalan bêro wendiş, do tehlîlê sosyolojîk bêrê wendiş.

 

Roja diyîn de zî do raporê jineolojî bêro wendiş û munaqaşa bêrê kerdiş.