MÊRDÎN - Bêrîvan Bayindira semedê gurçikanê xo nêweş a, surgunê hepisxaneyê Bayburtî amî kerdiş. Semedo ke dermankerdişê bi kelepçe qebul nêkerde, nêamî muayene kerdiş û winî eşrawitî hepisxane.

 

Bêrîvan Bayindira ke mamosteya Astengdaran a û Hepisxaneyê Bayburtî de ya, semedê gurçikanê xo nêweş a û nîna dermnakerdiş. Bêrîvana ke bî serrêke û nîm tepişnayeya, semedo ke derman bibo hîrê rey muracat kerde, la hetê îdarekarê hepisxaneyî  û doktoran ra bi sebebê 'to dir na nêweşî çin a' yena redkerdiş. Bêrîvane semedo ke derman bibo berdî nêweşxane la semedê dermankerdişê bi kelepçe qebul nêkerde, nêamî dermankerdiş.

 

Nîna dermankerdiş 

 

Bêrîvane serrêke verê hepisxaneyê Tîpê E yê Mêrdînî surgunê hepisxaneyê Bayburtî amî kerdiş û semedo ke gurçikê aye kêm xebityenê roj bi roje kîlo vinî kena û bi sebebê cezaya aye tesdîq bîya nîna tehlîyekerdiş. Bêrîvana ke halê aye her ke şino xira beno û ganî bî lezgînî bêro emelîyatkerdiş. Dermnakerdişê aye rutîn zî hetê doktorê hepisxaneyî ra yeno taloqkerdiş.

 

Verê ke derman bibo ardî hepisxane

 

Bêrîvane bi israr semedê dermankerdişî muracat kerde û hewteyê ver bi kelepçe û bi rîng berdî nêweşxane la semeod ke kelepçeyê aye nêvetî, aye nêwaşt ke derman bibo û bê dermankerdiş ardî hepisxane.

 

'Şert û mercê zehmet de cuyena'

 

Maya aye Meryem Bayindira ke hewteyê verî şî pêvînayîşê kêna xo wina va: "Hepsîyan semedê caardişê cilê yew tîpî, qerar dayî ke nêvejîyê pêvînayîşan. Halê kêna mi xora baş nîyo. Muracatê aye en peynî ameyo qebulkerdiş la bi kelepçe berdê. No nîno qebulkerdiş. Halê aye zaf xirab o. Gerek her nîm saete reyke awe bişimno. Bi hetkarîya hepsîyê bînan cuya xo dewma kena. Roj bi roje kîlo vinî kena. Heme cilê înan ameyê girewtiş. Zaf tay çî verdayê. Nêbenê nêweşxane. Teda li ci kenê. Do no heta key dewam bikero? Wa nê tedayî peynî bê."