Rûken Goman

 

GIRKÊLEGÊ - Her çiqas ke polîtîkayê asîmîlasyon û qirkerdişî şarê kurdî ser de bêro meşnayiş zî reyna şar kultur û ziwanê xo nê polîtîkayan re paweno. Bajarokê Rimêlanî ke girêdayeyê qezaya Girkêlegî ya de Akademîya Şehîd Dorşîne ya mamostayê xoser yê cinîyan dewreyê binameyê Şehîd Arjîne dayî dest pêkerdiş. Dewre 6ê çeleyê 2018î de bi beşdarbîyayişê 35 cinîyê herêma Cizîrî dest pêkerd û do aşmêk û nîme dewam bikero. Dewre de semînerê Jîneolojî, dersê tarîxê Kurdistan, tarîxê cinî, zarawayê perwerdekerde, kultur û exlaqî yeno dayiş.

 

Mamostayê ke beşdarê dewreyê perwerdeyê Şehîd Arjîne bîyî, derheqê dewreyî de hîs û zanayişê xo yê ardî ziwan ser. Babete ser o mamostaya binameyê Robîn Hesen û Rojîn Sedûne qisey kerdî. 

 

'Perwerde kesayetê bi hêz awan keno'

 

Mamostayan ra Robîne qiseykerdişê xo de wina va: “Ez xeylê reyan beşdarê dewreyan bîya. No dewre hetê zanayiş û şinasnayişê cinîyan de dewlemend o. Perwerdedayiş de hedefê ma o yo ke ma kulturê cinîyan ke hetê desthilatdaran re taybetî û pîrozbahîyê înan destê înan re ameyo dizîyaniş, newe re bigîrî. Domanê nikayîn bi siûdî. Çimkî ma ziwanê xo yê ke hetê desthilatdaran re ameybî asîmîlekerdiş, newe ra ganî kerdî. Domanê ma ewro bi fikrê azadan cuyenê. Wexto ke fikrê cinîyan azade bibî do domanî zî azad û welathes bibî. Cok ra ma do bi perwerdeyan, şexsîyetê bi hêzin awan bikerî.”

 

'Cinîya perwerdekerde ameyoxa rojê azade ya'

 

Mamosta Rojîne va 'Cinîya perwerdekerde ameyoxa rojê azade ya’ û wina dewam kerde: “Ma seba awankerdişê şexsîyetê raşt tîya de yî. Perwerdeyê cuya seyyewbînanî nîşanê ma dano ke senî ke verê cu cinî kom bîyêne û yewbînan reyde kar kerdêne, ganî eynî çî Akademîye de zî bikewî merhela. Şexsîyetê cinîyan de ma rengê Neteweya Demokratîke vejenê teber. Cinîya kurd ewro resaya merheleya şerkerdişî, şîrovekerdişê sîyasetî û pêardişê şorişî. Têkoşînê cinîyan reyde sîstemê azadîya cinîyan aver şî. Dewre de ma xo zî perwerde kenê û xebitîyenê. Ez veng dana heme cinîyan ke beşdarê perwerdeyî bibî û kincê koletî xo ser ra bivejnî.”