Fîlîz Zeyrek

 

EDENE - Şaîre Zahîde Eskîcî ke beşdarê 11ine Fuarê Kitaban ê Çukurova bî, Zahîde tena heta sinifa 5ine wenda. Zahîde fuar de bi cil û belgê xo yê  neteweyî bale ant û wina va: "Cinî şîîre zî nusnenê, klaman zî, şinê ser erdan zî û ewnîyenê domananê xo ra zî. Ez do semedo ke no bişiknî hema zaf xover bidî. Ez do têkoşînê cinî kitabanê xo de bi dinya bidî nasnayîş."

 

11in Fuarê Kitaban ê Çukurova kewt roja 4ine û xeylê kesî beşdarê fuarî benê. Fuar de yew kesê ke bale ancena Zahîde Eskîcî ya. Zahîde dimayê Gurgumî dewa xo Beşbucaka qezaya Andiri yê Gurgumî bica bî. Zahîde bi melhef û cilê xo yê netewî aîdê mintiqaya xo, beşdarê fuarî bî. Zahîde tena heta sinifa 5ine mektebe wenda. Zahîde dîyar kena ke 5 serre ya xo ra heta nika eleqeyê ci şîîre rê esto.

 

'A roje ra dima şîîran nusnena'

 

Zahîde dewamê qiseykerdişê xo de va ke pêwa heme zor û zehmetîyan şîîre nuşto, dew bi dewe gêraya û wina va: "Serrê peyînan de ez dew bi dew geyraya, mi klam, lorî û manî ardî têhet û kerd kitab. Heta nika mi 3 kitabê şîîran vet. Mi sinifa 5îne de dest bi nuştişê şîîran kerd. Semedê halê ekonomî mi fek mektebe ra vera da. Mi maya xo ra va, 'ez wazena şîîran binusnî'. A roje ra nat mi dest pêkerd."

 

'Di dinyayê mi estê û ez kêfweş a'

 

Zahîde da zanayîş ke şîîre aye Wezaretê Kulturî de qeyd kerde esto û nê çî va: "Heta destê mi ra yeno ez beşdarê bernameyan bena. Semedê terzê cil û belgê mi, xeylê kesan va şaîra bê GDO.  Ez cinîyêke dewij a û zaf kêfweş a. Bizê mi estê, mangayê mi estê. Heme karê xo zî ez kena. Di dinyayê mi estê. Ez zaf kêfweş a."

 

Zahîde dîyar kerde ke di domanê ci estê û hema dewe de cuyena û kesê derûdorê aye piştdayîş danê ci.