Rojda Aydin

 

AMED - Zindanê Tirkîya de her roje çîyê newe vejîyenê raşte. Nê zindanan de heme heqê hepsîyan yenê pelçiqnayiş û taybetî zî heqê hepsîyê kurd yê ziwan, nasname, kultur û bawerî dest re yenê girewtiş. Her ke şono zindanan bedilnenê sey cayê taybetan. Kesê ke ewja de yenê tepiştiş heme heqanê xo re merhum yenê veradayiş. Lazimîyê hepsîyan nînê dayiş û cuye re yenê îzolekerdiş. Zindanan de bêerjkerdişê hepsîyan yeno hedefkerdiş. Babete ser o Endama Akademîya Piştîyişê Îzmîrî Prof. Nîlgun Tokere qisey kerde û bale ante zindana de îxlalê heqan ser.

 

Prof. Nîlgun  Tokere  qiseykerdişê xo de wina va: “Heqê hemwelatîyan yeno astengkerdiş û dişmenî yeno kerdiş. Bi viraştişê zindanê taybetan dinya û Tirkîya de bêerjkerdişê merdiman yeno hedef kerdiş. Hepsîyê zindanan û taybetî zî hepsîyê sîyasîyan reyde têkilî nîno ronayiş û erj nêdîyeno înan. No nizdîbîyayiş her ca de xo dano teber. Koguşê 5 kesî de 50 kesî manenê û hepsî tecrîdî reyde rî bi rî manenê.”

 

Nîlgune dewamê qiseykerdişê xo de wina va: “Seba ke weşî û psîkolojîyê hepsîyan xira nêbo, ganî dewlete bikewa mîyanê hewldayişan û xebatan bikera dewre. Ganî dewlete heme lazimîyê hepsîyan baş bizana û çareser bikera. Labelê eksê ci dewlete bîla sebeb merdiman kena zindanan û hewl dana ke hepsîyan merdîmîye re biverna. Cok ra ganî heqê hepsîyan yê ke ameyî girewtiş rayapêroyî re bêrî aşkerakerdiş.”

 

Nîlgûne qiseykerdişê xo yê peyênan de qala heqê hemwelatîyê Tirkîya kerde û wina qedênaye: “Heme heqê hemwelatîyê Tirkîya destê înan re ameyî girewtiş. Wexto ke welatêk heqê hemwelatîyanê xo asteng bikero, înan sey hemwelatîyê xo nêvîneno. Zindan û Tirkîya de heme heqê hemwelatîyan yenê pelçiqnayiş. Dewlete hepsîyan sey dişmen dana nawitiş û zilmê ke yenê kerdiş hetê dewlete ra yenê nimitiş.”