WAN - Endamê Komîsyonê Heqê Cinîyan ê  Baroyê Wanî, reaksîyon hemverê kampanyaya "Ma semedê cinîyan otobosê pembe wazenê" hetê komêk camêrdan nameyê Înîsiyatîfê Piştdayîşê Sivîlê Wanî akerdibî, dayî.

 

Wan de di hewteyo, Înîsiyatîfê Piştdayîşê Sivîlê Wanî ke nêzdîyê AKPî yê, kampanyaya "Ma semedê cinîyan otobusê pembe wazenê" dest pêkerdî. Reaksîyonê hemverê kampanya her ke şino girs benê. Endamê Komîsyonê Heqê Cinîyan ê  Baroya Wanî, kombîyayîşê çapemenî viraştî û reaksîyon hemverê kampanya mojnayî ra. Kombîyayîşê çapemenî Baroyê Wanî de ame viraştiş û endamê Komîsyonî ra avûkat Gamze Karakiyak îzahat wende. Gamze, dîyar kerde ke ê ke kempanya dayî destpêkerdiş û îmzan kom kenê camêrd ê û wina va: "No caardiş her çiqas sey pawitişê cinîyan bêro lansekerdiş zî, la esasê xo de amanc o yo ke cinîyan teberê cuyayîşê komelî verdê. Binê nameyê pawitişê cinîyan de wazenê cîyayî vejê meydan."

 

Gamze da zanayîş ke qetî do destûr nêdê nê caardişan û qiseykerdişê xo winî qedêna: "No caardiş winî komelî yewbînan ra cîya keno. No semed ra ma bi endîşeyînê. Gerek ma heme hemverê nê caardişan vejyê."