Roj Ûmût-Sengal

 

ŞENGAL - Çar kesê ke hêrişê ser Şengalî de kewtibî destê çeteyê DAÎŞî hetê QSDî ra ameyî xelisnayîş.

 

3ê Tebaxa 2014 de çeteyê DAÎŞî hêrîşê Şengalî kerdibî û netîceyê hêrîşî de xeylê kesî esîr ameybî girewtiş. Çar kesê bîn zî hetê Hêzê Sûrîyeya Demokratîk (QSD) ra ameyî xelisnayîş.

 

Buşra  Miço Qasim kêfweşîya xo yê xelisbîyayîşê destê DAÎŞî ra winî qalî kerde: "Wexto ke ma kewtî destê çeteyan ma kerdî Hepisxaneyê Badoşî û zulm û zordarî bi ma kerdêne. La nika ma xêrê QSDî xelisyayî no semed ra ma spas kenê ke ma destê çeteyê wehşî ra xelisnayî."

 

Şehed Xidir Mîrza zî hîsê xo wina ardî ziwan: "Ez çeteyan ra xilas bîya, la hema di birayê mi destê înan de yê. Ez hêvî kena ke birayê mi zî destê çeteyan ra xilas bibê. Semedo ke QSDî ma xilas kerd ma spas kenê."

 

Nazif Xidir Mirza ke emrê ke qij de kewtebî destê DAÎŞî wina va: "Sere de semedê QSDî ma xelisna, ma spas kenê. Ma qetî zulmê çeteyan xo vîr ra nêkenê û ma êdî nêverdenê ke kesêk ti zulm ro ma bikero."

 

Heto bîn ra Evdilezîz Xelîl zî ke 5 serre yê xo de kewtib destê DAÎŞî ame xelisnayîş. Pîyê Ebdilezîz Xelîl, Minaf Xelef zî dîyar kerd ke ê zaf kêfweşê ke resayê domananê xo.