DÊRSIM - Cinîyê Dêrsimî serdayîşê Sereka partîya ÎYÎ Meral Akşenere ê Dêrsimî bê mana dî û vatî; "Şarê Dêrsimî piştdayîş nêdano nijadperestî."

 

Sereka partîya ÎYÎ Meral Akşenere vizîr şîbî Dêrsim. Meral Akşenera ke Dêrsim de Keyeyê Cemî zîyaret kerde û şarî ti eleqe nêmojna ra. Meral Akşenera ke serrê 1990 de Wezîrîyê Karê Zereyî Tirkîya kerdêne demê aye de xeylê kiştişê înan nêdîyar virazyabî û yew berpirsîyarê ê kiştişan a. Ma manaya serdayîşê Meral Akşenera ke nika Sereka partîya ÎYÎ ya vizîr şîbî serdayîşê Dêrsim, ma şarê Dêrsimî pers kerd.

 

Cinîyê Dêrsimîjan ra Eylem Sonmeze wina dîyar kerde: "Ti piştdayîşê şarê Dêrsimî semedê partîyêke hetê MHP û DYPî ra ameyê awankerdiş çin o. Xora semedê pêşwazîkerdişê aye zî Xerpêt ra kes ardîbî û hemwelatîyê Dêrsimî mîyanê kesê ke Meral Akşenere pêşwazî kerdişî de çin bi. Dêrsim pêroyî de semedê AKP û partîya ÎYÎ Piştdayîş nîno dayîş."

 

Cinîya bi nameyê Melahat Çetîne zî dîyar kerde ke aye sey cinîyêke elewîya kurd, partîyê nijadperestan tesdiq nêkena û ti cîyayîya partîya ci AKP û MHPî ra çin a. Çîgdem Dogrulmaze zî va ke partîya ÎYÎ tesdiq nêkenê û wina va: "Goreyê bawerîya ma nê zanayîşê ke amey girewtiş ameyîşê hîn kesan, ser nameyê partîyêke sîyasî yeno manaya ke o ca kesê bînan ra ameyo girewtiş. Ez bawer nêkena ke şarê Dêrsimî piştdayîş day. Eke winî bibayne şarê Dêrsimî kuçeyan de nê keyeyê Cemî de pêşwazî bikerdêne."

 

Cinîyê ke bîn zî semedê şert û merc OHALî nêwaşt namey xo bido û wina va: "Vizîrî Dogru Yol bi ewro AKP... Beno ke siba partîya ÎYÎ ferq nêkeno. Elewî do zirar bivînê."