Dîlan Babat

 

BEDLÎS-Cenazeyê Goristanê Garzan ameyî vetiş, bi sebebê do testê DNA bikerê eşrawitê Sazgehê Tipê Edlî yê Stenbolî. Netîce Bîngol dîyar kerde ke kêna aye Dîlan Bîngol zî tede testê DNA heme cenazeyan ameyo kerdiş û reaksîyon hemverê îzahatê Walîyê Bedlîsî da.

 

Goristanê Garzanî taxa Oleka Cor ê Bedlîsî 267 cenaze ameyî vetiş û bi sebebê testê DNA eşrawitî Sazgehê Tipê Edlî yê Stenbolî. Ser o reaksîyonê ke ameyê mojnarayîş, Walîyê Bedlîsî îzahat ferz dîyo û îdia kerd ke destûr keyeyan ra ameyî girewtiş û cenazeyî goreyê mevzuatî ameyî vetiş. Maya Dîlan Bîngol (Bêrîtan Jin) ke 2014an de Kobanê de cuya xo vinî kerda, Netîce Bîngole da zanayîş ke cenaze eşrawitê sazgehê Tipê Edlî la wexto ke kêna aye cuya xo vinî kerda, testê DNA ameyo kerdiş û belgeyê derheqê heme cenazeyê ameyê remnayîş de testê DNA ameyo kerdiş, estê.

 

'Heme cenazeyan rê DNA amebi kerdiş'

 

Netîce ard ziwan ke vera metodê kiştişê nêdîyar yê serrê 90an nika zî cenaze yenê remnayîş û wina va: "Esteyê domananê ma ra çi wazenê? Dewlete esteyê domananê ma ra zî tersena. Ti xêrê na dewlete kesî rê çin bi. Şima do esteyan se bikerê? Yê ewro esteyê domananê ma vetî do siba dayîk û pîyê ma zî semedo ke Kurdê do vejê. Semedê heme cenazeyê ke Garzan ra ameyî vetiş, DNA amebi kerdiş. Ê domanî heme Koban de şehîd kewtibî, heme ardî Pirsûs.”

 

'Ma esteyê domananê xo wazenê'

 

Netîce reaksîyon hemverê îzahatê Walî da û nê çî vatî: "Bi çend roje yo ma kewtê pey cenazeyê xo. Şima çira nê domanan girewtî. Bê destûrê ma şima cenazeyî girewtî. Şima do no hesabî bidê kam î? No çi kam dînî esto? Ma esteyê domananê xo wazenê. Ma wazenê domanê ma eynî ca de bêrê definkerdiş."