KOBANÊ - Cinîyê Kobaniyijî derheqê qetilkerdişê cinîyê kurdan û sîyasetmedaran Sakîne Cansiz, Leyla Şaylemez û Fidan Dogane de dîyar kerdî ke têkoşînê hîrê cinîyê cengaweran bi nimûne û wina vatî: "Ganî cinîyê kurdan hêz û têkoşînê her hîrê cinîyê şorişgêran rê wayîr vejyê û taqîbkerdoxê dewaya înan a bi rûmet bê."

 

Yew awankerdoxa PKKyijan ra Sakîne Cansiz, Temsîlkara KNKî Fidan Dogan û tevgerê ciwanan ra Leyla Şaylemeze 9ê Çele 2013an de Parîs de pîya ameybî qetilkerdiş. Derheqê serggerra qetilkerdişê Sakîne, Fîdan û Leyla de cinîyê Kobanîyijî ardî ziwan ke her hîrê cinîyê bi rûmet bî sembolê cinîyê kurdan.

 

'Hêvîya înan zerrîya ma geş kerd' 

 

Cinîya bi nameyê Ronahî Xelile dîyar kerde ke no qirkerdiş ke hemverê Sakîne, Leyla û Fîdan ameyo kerdiş, heme cinîyan rê ameyo kerdiş û wina va: "Hêvîya her hîrê cinîyê şorişgêran zerrîya ma geş kerd. Ê bi hêvî û têkoşînê xo heme cinîyan rê bî nimûne. No semed ra ma do heta peynî taqîbkerdoxê dewaya înan bê."

 

'Têkoşînê înan do ameyoxê ma roşn bikero'

 

Kewser Osmane zî hîsê xo wina ardî ziwan: "Ganî Dewleta Tirkan hesabê qetilkerdişê her hîrê cinîyê kurdan bida. Heta peynî ma do bi hîs û huyayîşê hîrê cinîyê cengaweran dewaya xo dewam bikerê. Çunke têkoşînê înan do ameyoxê ma roşn bikero."

 

Heto bîn ra Cîhan Kobane zî dîyar kerde ke na hedîsa ke Parîs de virazya, hetê MÎTê Dewleta Tirkan ra ameya kerdiş û wina va: "Rol û mîsyonê Sakîne, Leyla û Fîdane ê şoriş û hişmendî de zaf girîng o. No semed ra ganî ma wayîrê rol û mîsyonê înan vejyê û xo rê nimûne bigîrê."