Zulal Koçer

 

STENBOL - Goreyê dayeyê meclîsê ÎSÎGî, 2017an de 2006 hezar karkerî netîceyê kiştişê karî de cuya xo vinî kerdê. Meclîsa ÎSÎGî ra Asli Odmane dîyar kerde ke sera 10ê karkeran cuya xo vinî kerdê cinî yê û wina va: "Problem yew o, no semed ra ganî çareserî zî yew bo. Tevgerê Kurd, tevgerê kede, tevgerê cinî, tevgerê bajar ganî verê yewbînan de bê."

 

Goreyê dayeyê Meclîsê Asayîşê Kar û Weşîya Karkeran (ÎSÎG) 2017an de 2006 karker netîceyê kiştişê karî de cuya xo vinî kerdê. Xebata bêasayîş bi ferasetê ‘fitratê karî de esto' bi seyan merdişan rewa keno. karkeran rê çîyo ke yeno rewakerdiş  ‘kadroyê bi şertê îmtîhanî' o ke bi  KHKa ame vetişî yo. Bi no caardişî heqê karkeran ê ke ameyî qezençkerdiş zî dest ra yenê girewtiş. Endama Meclîsê ÎSÎGî Asli Odmane dîyar kerd ke vera ‘qezaya karî’, ‘kiştişê karî’ bêro xebitnayîş û wina va: "Ma ci ra vanê kiştişê kar, Meclîsê ÎSÎGî heme qezayan derbazê waran kerdo de vîneno ke kar de nê qezayî bêrê vînayîş. Ma nêweşîyê meslekî zî nêkenê mîyanê ci."

 

'Berpirsîyar dewlete ya' 

 

Asli dewamê qiseykerdişê xo de ard ziwan ke berpirsîyarê kiştişê karî dewlete ya û wina va: "Goreyê daneyê ÎSÎGî kerdê dest 2017an de 2006 karkerî cuya xo vinî kerdê. No tena hetê vînayîşî yo. Ma ser çapemenî de, keyeyê karkeran ke edalet geyrenê xo resnayî nê dayeyan. Wexto ke nêweşîyê meslekî zî mîyan de bê, xeylê kiştişê karî ê ke derbazê qeydan nêbîyê estê. Bi no hawa nê dayeyî vejênê 5-6 katî.”

 

'Serkewtişê dewlete yo!'

 

Asli da zanayîş ke roje de 20-30 kesî semedê şert û mercê xebate mirenê û no zî sey problemê asayîşê îstîmlakkerdişî nîno vînayîş, no wext no zî serkewtişê dewlete yo û vindertişê dewlete a hemverê kiştişê kar rexne kerde.

 

Halê karkerê penaberan hîna xirab o... 

 

Asli dewam de ard ziwan ke halê karkerê penaberan xirab o û şert û mercê bêasayîş, xirab û erjan de yenê xebitnayîş. Asli peynîye qiseykerdişê xo de dîyar kerde ke  2017an de karkerê ke cuya xo vinî kerdê sera 10 cinî yê û wina va: "Problem yew o, no semed ra ganî çareserî zî yew bo. Tevgerê Kurd, tevgerê kede, tevgerê cinîyan, tevgerê bajaran gerek verê yewbînan de bê."