ŞIRNEX-  Sîyasetmedarê cinîyê kurdan Sêvê Demîr, Pakîze Nayir û Fatma Uyare Sîlopî de wextê qedexeyê tebervejyayîşê kuçeyan de ameybî qetilkerdiş. Cinîyê Sîlopî dîyar kerdî ke hîrê sîyasetmedarê kurdan xoverdayîşê tarîxî rê taybetî kerdê û wina vatî: "Ma hemverê nê zîhniyetê ke dişminê têkoşînê azadîya cinîyan bi serberzîyêke pîl serê lingan de yo."

 

Sîlopîyê Şirnexî de 14ê Kanûna 2015an de qedexeyê tebervejyayîşê kuçeyan ame îlankerdiş û 4ê Çele de endama meclîsê DBPî Sêvê Demîr, endama KJAyî Fatma Uyar û Hemsereka Meclîsê Şaran ê Sîlopî Pakîze Nayire ameyî qetilkerdiş. Serê qetilkerdişî ra di serî derbaz bi û cinîyê Sîlopî mîrasê înan dewr girewtî nika têkoşîn kenê.

 

'Cinîyê kurdî yê têkoşîn kenê hedef yenê girewtiş'

 

Emîne Ozeke ard ziwan ke di serre serê qirkerdişî ra derbaz bîyo û nê çî ard ziwan: "Cinîyê bi hawayêke aktîf sîyaset de ca gênê hedef yenê girewtiş. Semedê nasnameyê têkoşînî cinîyê kurdan tersenê qirkerdişan viraznenê. Ma Sêvê, Pakîze û Fatma qet xo vîr ra nêkenê. Ma do têkoşînê înan ke ca de mendo dewam bikerê."

 

'Ma do destûr nêdê girewtişê dosya

 

Taybet Tatli zî da zanayîş ke dimayê hîrê sîyasetmedarê cinî yê kurdan Sakîne Cansiz, Fîdan Dogan û Leyla Şaylemez ke Parîs de ameyî qetilkerdiş ra dima, qetilkerdişê Sêvêyan tesaduf nîyo û wina va: "Ser dewaya Sakîne Leyla û Fîdane ame girewtiş. La ma do destûr nêdê girewtişê nê dosyan."

 

Endama PMyê HDPî Nuran Îmîre zî cinîyê ke ameyê qetilkerdiş vîr ard û va do polîtîkayê qirkerdişê ke bi ca anê, her wext do veng vejê û va Sêvê, Fatma û Pakîze senîn a roje hemverê zulmî sere nêtewênayê û do ê zî qetî sere nêtewênê û hemverê îqtîdarî her wext têkoşîn girs bikerê.