Safiye Alagaş

 

AMED - Koordînatorê Komîsyonê Hepisxaneyê  Baroyê Amedî avûkat Hazal Ozbeye dîyar kerde ke caardişê ‘cilê yew reng’ ê bi KHKa hûmara 696 kewt cuyayîş nîno qebulkerdiş û va: "Hetê ke vanê ma adetê îslamî yenê û hemverê zulmî yê la caardişêke zaliman ê sey Guantanamo nimûne mojnenê ra û no zî zaf balkêş o."

 

Reaksîyonê hemverê caardişê cilê yew reng ê bi KHKa hûmara 696an bi ca kerdî her ke şino zêde beno. Koordînatorê Komîsyonê Hepisxaneyan ê  Baroyê Amedî avûkat Hazal Ozbeye dîyar kerde ke no ferzkerdişê babeta vatişî yo masumîyetî orte ra wedarneno û va hepsîyan bi cilê yew reng vejê hemverê dadgehe semedê dadgehe averşîyayîşêke negatîfî yo û wina va: "Sîstemê hukmê cezakerdişî de sîstemê hukmê cezakerdişî de prosesê ke kesî bêrê hukmkerdiş de ê kesî pêroyî de nêeşkenê sûcdar bêrê vînayîş. Çarçeweya metodê hetê huqûqê mîyanneteweyî ra ameyo qebulkerdiş de bi kelepçe ardişê hepsîyan, caardişêke zirar dano masumîyetî yo. Hepsî do bikoy fikrê ke komel înan sucdar vîneno. No het ra zî merdimî do derheqê dadgeh û hukmî de bawerîya xo vinî bikerê.

 

Hazale bale ante ser vatişê Tayyîp Erdoganî ê ‘Guantanamo bi cilê yew reng bîyo formê cuyayîş' û Hazale ard ziwan ke Guantanamo hişê komelî de xeylê komelî de xirab ameyo bicakerdiş û dayîşî nimûneyê Guantanamo yeno manaya ke merdim serê hişê xo de şêro yo. Hetêke vanê ma adetê îslamî yenê û hemverê zulmî yê caardişêke zalimî sey Guantanamo nimûne mojnenê ra û no zî balkêş o."

 

'Wazenê hepsîyan tena verdê'

 

Hazale peynîye qalîkerdişê xo de va ke hepsîyê ke nê caardişan qebul nêkerê do heqê xo yê sereyîn ra bêpar birê mendiş, semedê qebul nêkerê do rastê cezaya dîsîplînî bêrê û tena bêrê mendiş. Hazale dîyar kerde ke do halêke winî de hemverê hepsîyan caardişê xirab bêrê kerdiş û hemverê nê caardişê hetê bîn zî xoverdayîş bêro mojnarayîş.