MÊRDÎN- Nisêbîn de di serrî yo goristanê Heceza ê cenazeyê YPS-YPS-Jin û YJA Star û HPGî tede estê, la bi sebebê qedexeyan nînê viraştiş. Dayîkî ke nêeşkenê nêzdîyê goristanî bibê dûrî ra lûrnenê. 

 

Serra peynî de sebebê pêrodayîş estê goristanê endamê YPS-YPS-Jin û YJA Star û HPGîyan yenê wêrankerdiş. Nisêbîn de Mêrdîn de zî hal eynî yo. Goristanê Hececa bi serrêke qedexe kerdê. Bi di serre yo sebebê qedexeyan nêverdenê keyeyî şêrê ser gorê domananê xo. Goristanê taxa Zeynel Abîdînî bi mobese û wesayîtê zirxî yenê temaşekerdiş. 

 

Hemwelatî wazenê goristan zîyaret bikerê, rastê tacîz û heqaretê polîsan yenê û dîyar kenê ke her rey polîsî înan ra vanê tîya ra dûr bikoy. Hemwelatîyêke nêwaşt nameyê xo bido, ard ziwan ke dayîkan hewl dayo ser ê têlan de şêrê goristanî la rastê derb û heqeretê polîsan ameyê.

 

'Ez nêeşkena nêzdîyê gorê lajê xo bî' 

 

Dayîkêke wina va: "Verê semedo ke qedexe estbi, ma mîyanê têlan ra ameyne tîya. Ez nika her roje yena û dûr ra temaşe kena. Rojê vîyarte de polîsî ameyî ma goristan ra vetî. Ma bi hesret gorê domannaê xo temaşe kenê." 

 

'Ez bi înan serberz a'

 

Dayîkêke dîyar kerde ke hetê polîsan ra rastê tehdîdê ‘şima reyke bîn nêrê tîya, şima do reyke bîn tîya nêvînê' û va merdanê ma ra zî tersenê. Ez bi domananê xo û embazanê xo serberz a."