Endamê HPC cinî derheqê rolê cinîyan ê pawitişî de ewnîyayîşê xo bi ajansê ma dir pare kerdî.

 

EFRÎN-Hêzê Endamê Hêzê Pawitişê Komelî (HPC) cinî derheqê rolê cinîyan de pawitişî de û hêrişê ser ê mintiqaya Efrînî de yenê meydan ewnîyayîşê xo ardî ziwan û vatî: "Bi heme hêz û îradeyê xo ser xeta şehîdan û felsefeyê Rayber Apo ma do hemverê heme tewir îşgalkerdoxî vinderê."

 

'Hêzê pawitişê komelî girîng o'

 

Yew îdarekerdoxîyê HPC cinîyê mintiqaya Efrînî Zekîya Fadil Sîdo ard ziwan ke rolê cinîyan sereyîn o û zaf girîng o û wina dewam kerde: "Cinî hêzê pawitişî û awankerdişê hemverê heme tewir hêrişan xo amade kerdê. Hêzê komelî lazimîyê ci bi wext esto. Sey cinî heta ke hêzê îşgalkerdoxî estbê, lazimîyê pawitişî zaf girîng o."

 

Zekîya hêrîşê dewleta tirkan ser herra Efrînî zî ard vîr û va: "Sey cinîyê mintiqaya Efrînî xetereyê pîl ser ê ma de estê. Erdogan û çeteyê xo bi heme xofîyê xo hêrişê şarî û keyeyê kurdan kenê. Hemverê nê hêrişan û kayê lişînan ma do xo bi pawê û pawitişê şarê xo bikerê."

 

'Ma tehdîdê Erdoganî ra nêtersê'

 

Zekîya dîyar kerde ke ê tehdîdê Erdoganî ra nêtersenê, şarê kurd xeylê wayîrê bawerîyê û nê çî vatî: "Eke hêzê ma tehdîd, îşgalkerdoxî, hêrişan ra bitersayne, dest bi xoverdayîş û şorişî nêkerdêne. Bi hezaran cinî cepheyê şer de pawitişê şaran kenê. Heta dilopêke gonî ganê ma de bibo ma do xo ver bidê û nêverdê dişmin derbazê Kantonê Efrînê bibê. Semedo ke ma wayîrê fikir, dewayê ke merdimayî pawenê yê."

 

'Ma do xoverdayîşêke pîl mojnê ra'

 

Endama HPCî Cinî 50 serrî Sînem Ehmed Şêxo zî bi nê vatişan girîngîyê pawitişî ard ziwan: "Goreyê hal û xebate ma vila benê û pawitiş kenê. Mîyanê bajar rojane yenê kontrol kerdiş. Ma hişyarê semedê pawitişê domanan, cinîyan û şarî bikerê. Semedo ke ma zanê çi pilanê lişîn ser ê herra Efrînî de estê."

 

Sîneme dîyar kerde ke aye qetî herra xo dişmin rê nêverdenê û wina va: "Çi bêro waştiş semedê pawitişê Efrînî ma do bikerê, felsefeyê Rayber Apo mezg û ganê ma de ameyo ramitiş, emrê mi girs o la bi bawerî û hêzê ke ma Rayber Apo girewto ez xo ver dana. Her roje semedê pawitişê şarê xo berz kena û kîşte şerwanê YPJ/YPGî de ya. Rayîrê şehîdan de û Rayber Apo de diktatorîyê Erdogan qebûl nêkena û ma do xoverdayîşêke pîl bimojnê ra."

 

'Amadekarîyê ma estê'

 

Eynî wextî de endamê îdarekarîya HPC cinîyan Raniya Bilal qisey kerde, giringîyê perwerde ard ziwan û va: "Ma heme cinîyan perwerde kenê, semedo ke ma reyke bîn dejêke winî Şengalî nêcuyê. Hemverê hêrişê ser ê ma yenê kerdiş, amadekariyê ma estê."