AMED - Rezan de dêsê awanîyêke 10 keyeyî tede nişnenê ro, hetê kesê nênasan ra semedê cinîyan nuşteyê tehdîdî ameyî viraşt. Awanîyê dêsê keyeyan ameyî nîşankerdiş û semedê nê caardişan roniştoxê taxe endîşeyîn ê. 

 

Taxa 5 Nîsane Rezanê ê Amedî ke verê bi tacîz û îstîsmaro zayendîyê hemverê domanan rojeve de bi, narey zî hedîseyêke balkêş amî meydan. Taxa kuçeyê Yusuf Îslamî yê hûmara 828î dêsê awanî bi nameyê Dogan Apartmane, hetê kesê nênasan ra tîpê sereyê nameyê cinîyê ke awanî de cuyenê ame nuştiş û vatişê,  "Ez do taqîbkerdoxê nê cinîyan bî" ame nuştiş. 

 

Heto bîn ra verê nuştişê ke ameyî nuştiş de berayê keyeyan ameyî nîşankerdiş. Hemwelatîyê ke awanî de nişne ro, nuştişê ke serê dêsê xo de dî, zanayîş dayî polîsan. Polîsê ke ameyî taxe rêçe engişte kesê nuşte nuştibî girewtî û îfadeyê kesê awanî girewtî. 

 

Hemwelatîyê taxe derheqê babete de muracatê sucî kerdî û waştî ke kesê berpirsîyar bêrê tepiştiş.