Devrîm Amed-Zeynep Kizilirmak

 

DÊRIK - Hemsereka Kongreya Neteweya Kurdistanî (KNK) Nîlufer Koçe dîyar kerde ke zîhnîyetê vernê yewîya neteweyê kurd gêno, îqtîdar û zîhnîyetê serdest ê camêrdan o û wina va: "Cinîyê semedê teberê warê îqtîdarî û serdest manenê û heta semedo ke mexdûr ê, la reyna zî vera rekabetî piştdayîş û yewîye esas gênê. Semedo ke cinî her çar parçeyê Kurdistanî zemînê yewî awan bikerê ganî xebatêke bi hêz û rast rayîrê bêrê."

 

Rojhelato Mîyanîn ke hemsencî newe ra yenê awankerdiş, têkoşînê yewîya Kurdan zî do ameyoxê înan dîyar bikero. Başûr, Vakur û Rojawan de 4 serre yo xebatê yewîya neteweyî dewam kenê. Bi sloganan ‘Yewîya cinîyê kurdan temînatê yewîya neteweyî yo’ bajarê Dêrikî yê Federasyonê Vakurê Sûrîye ‘komxebatê Cinêyê Kurdan ê Neteweyîya Rojawanî’ virazya. Hemsereka KNKî Nîlufer Koçe ke beşdarê komxebate bî virazyeyê Başûrê Kurdistanî, komxebatê yewîya neteweyî cinîyan û netîceyê ci ajansê ma rê şîrove kerde.

 

'Gamê şaşî tesîrê heme parçeyan kerd'

 

Nîlûfere bale ant ser mudaxaleyê teberî û despotiyê Rojhelato Mîyanên û  va ke şerê mintiqa, krîz û alozî hêzê mintiqa û global cîya nînê dest girewtiş û wina va: “En peynî nimûneyê ci ma Başûr de dî. 25ê Êlule de, qerarê referandumî de ne hêzê neteweyî ne zî hêzê global ne zî hêzê mintiqa verê çiman ameyî girewtiş û çarçeweyêke teng de qerar ame girewtiş. Dima ra hemverê nê qerarî kewtî tevgere. Gamê şaşî yê Başûrî ameyî eştiş, zirar dayî parçeyê bînan zî. AKPî dimayê referandumî bi rejîmê Îran, Iraq û Sûrîye dir bi polîtîkayê hemverê-Kurd  hewl dayî polîtîkayê xo aver berê û bi no dir zî cepheyê hemverê Kurdan xurt kerdo."

 

'Qezencê Rojawanî gerek açeryê qezencê Kurdan'

 

Nîlûfere ard ziwan ke heme destkewteyî leşkerî û sîyasî açeryayî destkewteyê kurdan û Başûr de hukûmetê mintiqa semedo ke netîceyan şîrove bikero rexneyê parçebîyayîşî kerd. Nîlûfere nê çî ard ziwan: "Şorişê Vakûr û Rojawanî tena semedê nê parçeyan nîyo. Aver şîyayîşê Rojawa û Vakur de virazyayî tesîrê ser Başûr û Rojhelatî zî kenê. Vengbîyayîşê ke Başûr de virazyayî bi piştdayîşê dewleta tirkan û îranî, dagirkeran bi cesaret kerdo.”

 

'Yewîya Neteweyî ganî bi ca bêro'

 

Nîlûfere da zanayîş ke wexto ke Skyes-Pîcot yeno rojeve, yewîya neteweya Kurdan êdî ferz beno û şerê dewleta Tirkan û Îranî semedê nê sebeban wazenê şêrê Başûr û va: “Şarê başûr zî nê çî û no semed ra kewtî çalakîyan. Kongreya Neteweyî semedê şarê Kurdan bi taybetî zî semedê pawitişê Başûrî ferz a." 

 

'Başûr de kaos yeno cuyayîş'

 

Nîlûfere dewam de da zanayîş ke aver şîyayîşê Başûr de yenê cuyayîş, ‘mabêne kaosî yê’ û va şar êdî demokrasî, zelalî, azadî û asayîş wazeno.

 

'Birêz Ocalan 2013 de vatibi'

  

Nîlufer dîyar kerde ke Rayberê PKKî Abdullah Ocalanî tehlukeyê Başûrî dîbi, 2013 de  nameyêke serekê PDKî Mesut Barzanî û lîderê YNKî Celal Talabanî rê eşrawitib û dîyar kerdib ke ganî Kongreya Neteweyîya Kurd bêrê têhet. La Rayberîyê Başûrî vera ke rayîrê Birêz Ocalanî ke da verê înan de bikerê, goş dayî hêzê xerîban. Ewro şar kuçeyan de yo û waştişê demokrasî û asayîşî kenê. Îdarekarê Başûrî zî Parîs, Berlîn û Londonî çareserî pawenê. Yê ke goş nêdayî xeta birêz Ocalanî ewro zî wayîrê eynî vindertişîyê û bi Kurdan danê vinî kerdiş. Semedo ke yewîya neteweyî virazyo 2011an ra heta nika her çar parçeyan de xebat yenê kerdiş."