ERDEXAN - Semedê serdî zêde gola Çildirî cemed girewte. Gola ke her serre payîzî de cemed gêna dimayê ke hamnan yeno dima ra cemedê ci helêno. 

 

Gola Çildirî ke kurdistanî bi pîlîya xo rêze diyîne de ya. Gole serd ra cemed girewte. Gole bi weşîkîye xo merdiman bi tesîr kena û her mewsîm derûdorê gole bi hemwelatîyê ke yenê temaşekerdişê na gole pir benê. Gola ke bi taybetmendîya xo ya seba serdî cemed gêna yena naskerdiş, sey her serre emsar zî payîze ra cemed girewte.

 

Gola ke 14 tewir maseyî tede estê, masewanan hemverê cemedgirewtişê gole zî fek seydwanê maseyan ra vera nêdayî û bi metodê helnayîşê cemedî û kenayîşê aye hewl danê seydê xo dewam bikerê. Hemwelatîyê Erdexanî dîyar kerdî ke mîyanê serre de dimayê ke hamnan qedêno gole 7-8 aşmî cemed gêna û kes nêeşkeno awa gole bivîno.

 

Her serre mewsîmê zimistanî de ser ê Gola Çildirî ke namdar a Mîhrîcanê Mîyanneteweyî yê Pêşbazîya  Estoro Zerdîn yeno viraştiş.